Joseba Zulaika

Joseba Zulaika Irureta (Itziar, Gipuzkoa, 1948ko martxoaren 24a-) antropologoa eta euskal idazle eta ikertzailea da.

Nevada Renoko Unibertsitatean lanean ibili izan da Center for Basque Studies delakoan.

Deustuko Unibertsitatean filosofian lizentziatu zen, eta AEBetako Princetongo Unibertsitatean doktoregoa lortu zuen antropologiaz. Gaur egun, Basque Studies Programeko zuzendari da eta Antropologia eta Euskal Kulturako eskolak ematen ditu Renoko Unibertsitatean (Nevada).

Imanol Muruaren tesi-zuzendaria izan zen Txema Ramírez de la Piscinarekin, ETAren jardun armatuaren bukaeraren azterketa egin zuten hor ("The end of eta (2007-2011): narratives from the media and from the actors"). Bake-prozesuaz 2015an Muruak argitaratuko zuen Ekarri armak liburu arrakastatsuaren abiapuntua izango zena.

Hauek dira Zulaikak argitaratu dituen lan nagusiak: Ehiztariaren erotika (1990), La violencia vasca: metáfora y sacramento (1990), Caza, símbolo y eros (1992), Migración, etnicidad y etnonacionalismo (elkarlanean, 1996), Del cromañón al carnaval (1996), Crónica de una seducción: el Museo Guggenheim de Bilbao (1997) eta Vieja luna de Bilbao: crónicas de mi generación (2014)

Nobela

• Zu zara... (1982, Hordago).

Saiakera

• Bertsolariaren jokoa eta jolasa (1985, Baroja)
• Basque Violence: Metaphor and Sacrament (1988, University of Nevada Press)
• Ehiztariaren erotika (1990, Erein)
• Bertsolaritzaz bi saio (2003, Bertsolari)
• ETAren hautsa (2006, Alberdania).

Poesia

• Adanen poema amaigabea (1975, Haranburu).

• Gipuzkoako idazleen zerrenda

Wikimedia Commonsen badira fitxategi gehiago, gai hau dutenak: Joseba Zulaika

• Joseba Zulaika literaturaren zubitegian
• Joseba Zulaika Alberdanian
• "Euskal Irudia munduan terrorismo diskurtsoaren baitan birziklatzen da" elkarrizketa Argia astekarian (1995)
• "Askatasunaren eta iraultzaren ikuspegi oso naifa genuen" elkarrizketa Berria egunkarian (2014-11-09)