Quick Facts
Biography
Գլեբ Վասիլևիչ Մակարևիչ (ռուս.՝ Глеб Васи́льевич Макаре́вич, մայիսի 28, 1920(1920-05-28), Թիֆլիս - դեկտեմբերի 25, 1999(1999-12-25), Մոսկվա, Ռուսաստան), խորհրդային և ռուս ճարտարապետ, Մոսկվայի գլխավոր ճարտարապետ (1980-1987): ԽՍՀՄ ճարտարապետների միության անդամ, Ռուսաստանի վաստակավոր ճարտարապետ, Ռուսաստանի գեղարվեստի ակադեմիայի թղթակից-անդամ, Մոսկվայի Ճարտարապետության միջազգային ակադեմիայի պատվավոր անդամ, Պետական մրցանակների դափնեկիր: Ճարտարապետների միության խորհրդի անդամ, ՌՍՖՍՀ Գերագույն Խորհրդի պատգամավոր, Մոսկվայի քաղաքային խորհրդի պատգամավոր:
Կենսագրություն
Գլեբ Վասիլևիչ Մակարևիչ ծնվել է 1920 թվականին Թբիլիսիում՝ ճարտարապետ Վասիլի Լվովիչ Մակարևիչի (1893-1975) ընտանիքում, ով 1937-1946 թթ. աշխատել է Ծալկայի «ХРАМГЭССТРОЙ» տրեստի համակարգում Խրամ ԳԷՍ I-ի կառուցման ժամանակ:
1943 թվականին ավարտել է Վ. Կույբիշևի անվան ռազմաինժեներական ակադեմիան, 1947 թվականին՝ Մոսկվայի ճարտարապետության ինստիտուտը: Մասնակցել է Հայրենական մեծ պատերազմին:
1947-1961 թթ. որպես ճարտարապետ աշխատել է նախագծային ինստիտուտներից մեկում, եղել Կրեմլի պալատի նախագծման և շինարարության մասնակից: 1964 թվականից աշխատել է «Մետրոպոլիտեն-2» հասարակական շենքերի և կառույցների նախագծման գրասենյակի ղեկավար, 1967 թվականից՝ Մոսկվայի գլխավոր ճարտարապետության և պլանավորման վարչության պետի տեղակալ:
1980-1987 թթ. եղել է ԳլավԱպՈւ-ի ղեկավար և Մոսկվայի գլխավոր ճարտարապետ, այնուհետև՝ «Մոսպրոյեկտ-2» վարչության պետի տեղակալ, Բաումանի անվան Մոսկվայի պետական տեխնիկական համալսարանի համալիրի թիվ 11 արվեստանոցի գլխավոր ճարտարապետ:
Եղել է «Մոսկվայի աշխատավոր», «Մոսկվայի ճարտարապետություն և շինարարություն» թերթի, «Մոսկվա» հանրագիտարանի հրատարակչության խմբագրական խորհրդի անդամ:
Ստեղծագործություններ Մոսկվայում
- ԽՍՀՄ Պետական անվտանգության կոմիտեի շենք (1982 թ., Կուզնեցկի մոստ փողոց 24)
- Վլադիմիր Լենինի հուշարձան, քանդակագործ՝ Լև Կերբել (1985, Կալուժսկայա հրապարակ)
- Նիկոլայ Ստրոևի կիսանդրի, քանդակագործ՝ Իուլիան Ռուկավիշնիկով (1987, Լենինգրադյան պողոտայի № 59 տան մոտ)
Ընտանիք
- Կին՝ Տատյանա Անդրեևնա Գանսկայա-Ռեշետնիկովա (1920-1982), նկարչուհի
- Որդի՝ Իգոր Մակարևիչ (1943), կոնցեպտուալ նկարիչ, ՌՍՖՍՌ-ի վաստակավոր արտիստ
Աշխատություններ
- Памятники архитектуры Москвы. Земляной город / Аренкова Ю. И., Домшлак М. И., Мехова Г. И., Макаревич Г. В., Альтшруттер Б. Л., Балдин В. И. и др.. — М.: Искусство, 1990. — 351 с. — ISBN 5-210-00253-5
Գրականություն
- Центральный московский архив-музей личных собраний: Путеводитель / Сост. М. В. Добренькая. - М.: Издательство Главного архивного управления города Москвы, 2008. - 368 с.: ил.
Ծանոթագրություններ
- ↑ Глеб Васильевич Макаревич
- ↑ Календарь
- ↑ Москва: все улицы, площади, бульвары, переулки / Вострышев, Михаил Иванович. — М.: Алгоритм, Эксмо, 2010. — С. 284. — ISBN 978-5-699-33874-0
Արտաքին հղումներ
- «Архитектор масштабных проектов»։ Комитет по архитектуре и градостроительству Москвы։ Վերցված է 2013-11-18
- Боевое крещение
- Макаревич Глеб Васильевич
Չափորոշչային վերահսկողություն | BIBSYS: 97014296 · ISNI: 0000 0000 8466 1121 · LCCN: n89610444 · NTA: 135560004 · NUKAT: n2004083266 · SUDOC: 175732744 · VIAF: 110759445 |
|---|---|
Չափորոշչային վերահսկողություն | BIBSYS: 97014296 · ISNI: 0000 0000 8466 1121 · LCCN: n89610444 · NTA: 135560004 · NUKAT: n2004083266 · SUDOC: 175732744 · VIAF: 110759445 |