Quick Facts
Biography
Զավեն Քրիստափորի Դիլանյան (մարտի 11, 1903({{padleft:1903|4|0}}-{{padleft:3|2|0}}-{{padleft:11|2|0}}), Թբիլիսի, Թիֆլիսի գավառ, Ռուսական կայսրություն - դեկտեմբերի 1, 1990({{padleft:1990|4|0}}-{{padleft:12|2|0}}-{{padleft:1|2|0}}), Երևան, ՀԽՍՀ, ԽՍՀՄ), կաթնագործության բնագավառի գիտնական: Տեխնիկական գիտությունների դոկտոր (1941), պրոֆեսոր (1941): ՀԽՍՀ գիտության վաստակավոր գործիչ (1961):
Կենսագրություն
Զավեն Դիլանյանը ծնվել է Թիֆլիսում: 1927 թվականին ավարտել է Թիֆլիսի պոլիտեխնիկական ինստիտուտի Գյուղատնտեսական ֆակուլտետը, 1929 թվականին՝ Վոլոգդայի կաթնային ինստիտուտը: 1937-1987 թվականներին եղել է Երևանի անասնաբուծական-անասնաբուժական ինստիտուտի կաթնատնտեսության ամբիոնի վարիչ, 1951-1953 թվականներին՝ ՀԽՍՀ Գյուղատնտեսության նախարարի տեղակալ, 1966 թվականից՝ Տաք երկրների կաթի փորձաքննության հանձնաժողովի նախագահ։ 1956 թվականից ԽՍՀՄ կաթնագործության ազգային կոմիտեի անդամ:
Գիտական աշխատանքները նվիրված են ՀԽՍՀ-ում բուծվող խոշոր և մանր եղջերավորների տարբեր ցեղերի կաթի բաղադրության ու հատկությունների, կաթնաթթվային մանրէների բնորոշ առանձնահատկությունների, կաթնամթերքի ստացման տեխնոլոգիայի տարբեր հարցերին: Հեղինակ է 400-ից ավելի գիտական աշխատությունների, որոնց մեծ մասը տպագրվել է արտասահմանում, ինչպես նաև 50-ից ավելի հեղինակային վկայականների, մի շարք դասագրքերի, ուսումնական ձեռնարկների և մենագրությունների: Դիլանյանի «Կաթնագործություն», «Պանրագործություն», «Աղաջրային պանիրներ», և «Պանրագործության հիմունքները» դասագրքերը թարգմանվել են ռուսերեն, գերմաներեն, իսպաներեն լեզուներով:
Պարգևներ
- Լենինի շքանշան
- Աշխատանքային կարմիր դրոշի շքանշան
- «Պատվո նշան» շքանշան
Հիշատակ
- Հայաստանի ազգային ագրարային համալսարանում սահմանված է պրոֆեսոր Զավեն Դիլանյանի անվան կրթաթոշակ
- Զավեն Դիլանյանի հուշատախտակը փակցված է Երևանի Նալբանդյան 47 հասցեում
Երկեր
- Բրինզա պանրի պատրաստումը կոլխոզներում, 1950:
- Հայկական Սովետական Սոցիալիստական Ռեսպուբլիկայի առաջավոր անասնապահների հավաքը, 1951:
- Ինչպես պատրաստել չանախ պանիրը, 1953:
- Технология молока и молочных продуктов. С основами молоковедения, 1957.
- Рассольные сыры, 1957.
- Избранные труды, 1959.
- Основы сыроделия. М. Пищевая промышленность 1980.
- Технология молока и молочных продуктов. 1991 (համահեղինակ).
Գրականություն
- Завен Христафорович Диланян: Библогр. указ., Ереван, 1978.
Տես նաև
- Կաթնագործությունը Հայաստանում