Quick Facts
Biography
Զավեն Գևորգի Բարխուդարյան (1922, Տեղ, Զանգեզուրի գավառ), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
Կենսագրություն
Զավեն Բաղդասարյանը ծնվել է 1922 թվականին, Գորիսի շրջանի Տեղ գյուղում։ Միջնակարգ կրթություն ստանալուց հետո աշխատել է գյուղի դպրոցում։ 1942 թվականի գարնանը մեկնել է բանակ։ 1943 թվականի հունվարից մինչև 1945 թվականի մայիսի 9-ը Բարխուդարյանը պատերազմի ռազմաճակատներում կռվել է 164-րդ հատուկ հրաձգային բրիգադում, հիտլերական զավթիչների դեմ Հյուսիսային–Կովկասյան ռազմաճակատում, Կերչի ճակատամարտում, Օդեսայում, Հունգարիայում, Չեխոսլովակիայում, Լեհաստանում, Քյոնիգսբերգի գրավման մարտերին։ Բանակում ծառայությունը շարունակել է Վիլնյուսում և Մինսկում մինչև 1947 թվականը։
Պարգևատրվել է «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար», «Խիզախության համար», «Կովկասի պաշտպանության համար» և մի շարք մարտական ու հոբելյանական մեդալներով։
Զորացրվելուց հետո 1947 թվականին Գորիսի շրջանի Վերիշենի միջնակարգ դպրոցում զբաղվել է մանկավարժական աշխատանքով։
Պարգևներ
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ
- «Կովկասի պաշտպանության համար» մեդալ
- «Խիզախության համար» շքանշան