Yevgeniya Nevmerjitskaya

Yevgeniya Stepanovna Nevmerjitskaya — Azərbaycan teatr aktrisası, Azərbaycan Respublikasının xalq artisti (2018).

Y.Nevmerjitskaya Azərbaycan Dövlət İncəsənət İnstitutunun dram-kino aktyoru fakültəsini 1965-ci ildə bitirib. 1963-cü ildən S.Vurğun ad. Rus Dram teatrının aktrisasıdır. Bu illər ərzində teatr səhnəsində 70-dan çox rol oynamışdır. Onların arasında Alfa "Den rojdeniya Terezı" Q.Mdivani, Nigər "Qayıtmış insan" Ə.Nəsibov, Vera "Posledniye" M.Qorki, Tünzalə "Bereqa i sudbı" Nəbi Xəzri, Şərqiyə "Sən nəyə yaşayırsan?" İ.Kasumov, Qertruda "Mariya Stüart" F.Şiller, Ada "Dom na peske" R.İbrahimbəyov, Tamara "Leto v qorode" Anar, Ranevskaya "Vişnyovıy sad" A.P.Çexov, Beatris "Vid s mosta" A.Miller, Belina "Mnimıy bolnoy" J.B.Molyer, Jozefina "Napoleon I" F.Brukner, Sosipatra Semenovna "Krasaves-mujçina" A.Ostrovski, Mod "Qarold i Mod" K.Xiqqins kimi obrazları aktrisanın rəngarəng yaradıcılıq palitrasının nümunələrindəndir.

2000-ci ildə Y.Nevmerjitskaya "Əməkdar artist", 27 may 2018-ci ildə Azərbaycanın xalq artisti fəxri adına layiq görülmüşdür. 2006-cı ildən Azərbaycan Respublikası Prezidentinin fərdi təqaüdçüsüdür.

1. Ən vacib müsahibə (film, 1971)