Wim Kuipers

Dit artikel is gesjreve in 't AGL. Ómdat 't plaatsgebónge is, maogs doe 't ómzètte nao 't Neels, as te dit dialek sjpriks.

Wim Kuipers is 'ne Neelse sjriever dae in 1939 is gebore in Neel (Maasniel) en noe in Mestreech woent. Hae sjrief in 't Nederlands en sjrief verhaole en gedichte in 't Neels.
Hae is veurvechter van 't Maaslands of zoegeneump AGL, Algemein Gesjreve Limburgs. Kuipers sjtudeerde Nederlands en wèrkde es journalis in Eindhove, Amsterdam, Hilversum, Nijmege en bie Dagblad De Limburger in Mestreech.

• 'n Taalrubriek in Dagblad De LimburgerLetterbak, dat in 1988 es book ies versjene.
• 400 Columns bie radio Umroop Limburg ónger de titel: Waor of neet waor.

Van häöm versjene twie bunjele in de LiLiLi (Limburgse Literair Lies).

• Platlandj, LiLiLi 7
• Kaoleries, LiLiLi 34
  

In 2000 kreeg hae de driejaorlikse pries veur de Limburgse volkscultuur.

• Verhaol 't Menke in 't Maaslands in PlAT-eweg LiLiLi nr 8
• Vertaalde in 2006 de televiserie De Hemelpaort in 't Limburgs.
• Publiceerde in 2007 Aek op de sjóttelsplak, de sjoenste Limburgse wäörd.
• Initieërde in 2008 't ierste Platbook mit columns van bekènde Limburgstalige sjrievers.
• Initieërde in augustus 2010 de sjtart van 't dichtersforum Veldgewas op internet en in de e-bös.
• December 2010, publicatie van 't book Waar de brede stroom der Maas (Nederlands)

Mien leef, lef gezjwuulke langs driej en dor,
dien blauw drefkes en de danj in de goes
Leve, de Spék en Azeraoj auch thoes,
ich gluif det nieks in de vroe wiej hoe sor.

---
De sjeper keimp de kletskop van de maon,
de sjötteriej maak kiendjes in 't kaore
Borkdoezig kaerbuif: dao bönn ich gebaore.