William Rhys Nicholas

Bardd Cymraeg, emynydd a gweinidog gyda'r Annibynwyr oedd Rhys Nicholas (23 Mehefin 1914 - 2 Hydref 1996). Ganwyd yn Tegryn gogledd Sir Benfro, a daeth i amlygrwydd pan enillodd wobr ysgrifennu emyn yn Eisteddfod Pantyfedwen, Llanbedr Pont Steffan ym 1967.

Dyma ddwy linell gyntaf, pennill cyntaf yr emyn:

Tydi a wnaeth y wyrth, O! Grist, Fab Duw,

Tydi a roddaist imi flas ar fyw;

Flwyddyn yn ddiweddarach enillodd Eddie Evans am ysgrifennu'r dôn i gyd fynd â'r geiriau: tôn a adnabyddir yn awr fel Pantyfedwen.

Graddiodd yn y Gymraeg o Goleg Prifysgol Cymru, Abertawe, a bu'n Llywydd Undeb y Myfyrwyr yn 1941-42. Rhwng 1952 a 1975 roedd yn ddarlithydd cyson yn Adran Addysg Bellach y Coleg.

Rhwng 1964 ac 1980 roedd yn gyd-olygydd y cylchgrawn llenyddol Y Genhinen gyda Emlyn Evans.

• Cerddi a Charol (Ty John Penry, 1969)
• Oedfa'r Ifanc (Ty John Penry, 1974)
• Cerddi'r Mawl (Ty John Penry, 1980)
• Y Mannau Mwyn (Ty John Penry, 1985)