Voltana Ademi

Voltana Ademi (lindur në Shkodër më 30 shtator 1974), është një politikane shqiptare dhe që prej vitit 2013 deputete në Kuvendin e Shqipërisë me Partinë Demokratike. Në zgjedhjet vendore të vilit 2015 Ademi shërben si kandidatje e PD për Bashkinë e Shkodrës.

Voltana Ademi është lindur në Shkodër.  Vjen nga një familje e njohur qytetare me ndikim dhe kontribut të rëndësishëm në jetën shoqërore të qytetit. Paraardhësit e saj njihen si sipërmarrës të suksesshëm në biznes; konkretisht familja e saj ka qenë prodhuese e markës së parë të duhanit në Shkodër (cigarja “Tarabosh”).

Familja e saj përndiqet, shpronësohet dhe persekutohet gjatë viteve të diktaturës komuniste.

Shkollën e mesme Ademi e kreu në Shkollën e Mesme Artistike "Prenk Jakova" në Shkodër dhe pas kësaj vazhdoi studimet e larta në Fakultetin e Shkencave të Natyrës të Universitetit të Tiranës nga ku u diplomua për Iformatikë.,

Ka marrë titullin Master në në programin “ Për Qeversijen dhe Zhvillimin territorial”në Universitetin Zoja e Këshillit të Mirë.  

Ka punuar si lektore në Universitetin e Shkodrës Luigj Gurakuqi, ku ka dhënë leksione në Informatikë dhe Programim. 

Jeta personale

Voltana Ademi është e martuar dhe ka një djalë.

Karriera e saj politike nis në vitin 1996 si anëtare e Partisë Demokratike. Nga viti 2003 deri në vitin 2008 drejton Forumin e Lidhjes Demokratike të Gruas në Shkodër. Nga viti 2005 deri në vitin 2009 është zgjedhur anëtare e Këshillit Kombëtar të PD. Në vitin 2006 zgjidhet  anëtare e Këshillit Bashkiak të Shkodrës dhe ka kryesuar grupin e Këshilltarëve të koalicionit të djathtë. Gjatë viteve 2007–2010 kryen funksionin e nën-kryetares së Bashkisë së Shkodrës. Ademi ka qenë Prefekte e Qarkut të Shkodrës në vitet 2011–2013. 

Deri në prill 2015, ajo ushtroi funksionin e deputetes së Partisë Demokratike në Kuvendin e Republikës së Shqipërisë, por më pas hoqi dorë nga mandati për të kandiduar në zgjedhet vendore për Bashkinë e Shkodrës, ku doli fituese.

• Shkodra
• Bashkia Shkodër
• Grupi Parlamentar i Partisë Demokratike të Shqipërisë 2013-2017
• Lista e deputetëve të Legjislaturës VIII të Kuvendit të Shqipërisë

1. ^ https://www.facebook.com/ademi.voltana/info?tab=page_info
2. ^ http://www.parlament.al/web/ADEMI_Voltana_19756_1.php
3. ^ "Shkodra mbetet blu, Voltana Ademi e PD-së fiton me diferencë 10 mijë vota, nis festa". Ora News. 23 qershor 2015. Marrë më 1 qershor 2019.