Vojtěch Sedláček

Войцех Се́длачак (чэшск.: Vojtěch Sedláček; 9 верасня 1892, Лібчані, Чэхія — 3 лютага 1973) — чэшскі жывапісец і графік.

Вучыўся ў 1911—1920 гадах у Пражскай акадэміі мастацтваў. Зазнаў уплывы А. Славічака і Я. Прэйслера. Член аб'яднанняў «Умелецкая бяседа» (1913), «Галар» (1919).

Творчасці характэрны арыентацыя на рэалістычныя традыцыі нацыянальнага мастацтва, лірыка-эпічная манера выканання. Аўтар жывапісных кампазіцый «Валацуга» (1924), «Збор бульбы» (1934), «У вёсцы» (1941), «Восень на палях» (1952), «Восень на загуменні» (1954), графічных работ «Цыганка» (1916), «Садоўніца» (1920), «Праца ў полі» (1971). Аформіў кнігі Я. Гербена, братоў Мрштыкаў.

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — 512 с. — ISBN 985-11-0238-5 (т. 14), ISBN 985-11-0035-8.

• На Вікісховішчы ёсць медыяфайлы па тэме Войцех Седлачак