Vojtech Mihálik

Վոյտեխ Միգալիկ (սլովակ.՝ Vojtech Mihálik, մարտի 30, 1926, Դոլնա Ստրեդա - 2001, Բրատիսլավա), սլովակ և չեխ բանաստեղծ, թարգմանիչ, լրագրող, քաղաքական գործիչ։ Կլեմենտ Գոտվալդի անվան պետական մրցանակի դափնեկիր։

Վոյտեխ Միգալիկը ծնվել է 1926 թվականին Դոլնա Ստրեդա գյուղում։ 1945-1949 թվականներին սովորել է Բրատիսլավայի Կոմենսկու անվան համալսարանի փիլիսոփայության ֆակուլտետում։ Ավարտելուց հետո երկար տարիներ աշխատել է որպես խմբագիր։

Գրական գործունեությունն սկսել է հետպատերազմյան շրջանում։ Առաջին ժողովածուները՝ «Հրեշտակներ» (1947) և «Պլեբեյական շապիկ» (1950) իրենց վրա են կրում գրական տարբեր դպրոցների ազդեցությունը։ 1950-ական թվականներին Միգալիկը, հրաժարվելով ֆորմալիստական թեմաներից, գրում է «Երգող սիրտը» (1952) պոեմը՝ ազատագրված ժողովրդի աշխատանքի հիմնը։ Նրա վերջին շրջանի ստեղծագործությունները նվիրված են նոր բարոյականության խնդիրներին, դրանք բողոք են դոգմաներին հպատակվելու դեմ։ Նա գովերգում է մարդկային բնավորության լավագույն կողմերը:

• «Ապստամբած Հոբը», 1960

• «Զինված սեր», 1953
• «Ծղոտի վրա չեմ մեռնի», 1955
• «Արքիմեդի շրջանները», 1960
• «Տտիպ հատապտուղներ», 1963

• Չեխոսլովակիայի վաստակավոր արտիստ, 1966
• Չեխոսլովակիայի ժողովրդական արտիստ, 1978
• Աշխատանքի շքանշան, 1976
• Կլեմենտ Գոտվալդի անվան պետական մրցանակ

• Vojtech Mihálik v parlamentu

Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։