Quick Facts
ScorpioBiography
Վահե Արսեն (Վահե Արսենյան, նոյեմբերի 3, 1978(1978-11-03), Երևան, Հայկական ԽՍՀ, ԽՍՀՄ), հայ բանաստեղծ, թարգմանիչ, գրականագետ, բանասիրական գիտությունների թեկնածու, դոցենտ: Հայաստանի գրողների միության անդամ (2004):
Կենսագրություն
Վահե Արսենյանը ծնվել է 1978 թվականի նոյեմբերի 3-ին, Երևանում: Ավարտել է Երևանի պետական համալսարանի ռոմանագերմանական բանասիրության ֆակուլտետի անգլիական բաժինը և ասպիրանտուրան, աշխատում է ԵՊՀ ռոմանագերմանական բանասիրության ֆակուլտետի արտասահմանյան գրականության ամբիոնում: Վահե Արսենի բանաստեղծություններն ու թարգմանությունները (անգլերենից և ռուսերենից), ինչպես նաև գրականագիտական հոդվածները, պարբերաբար տպագրվել են հանրապետական ու արտասահմանյան թերթերում, ամսագրերում և ժողովածուներում: Նրա ստեղծագործությունները թարգմանվել են անգլերեն, ֆրանսերեն, գերմաներեն, ռուսերեն, հոլանդերեն, ռումիներեն, վրացերեն, տաջիկերեն և այլ լեզուներով:
Երկեր
- Դոնկիխոտասպան իմ հայրենիք, կամ Ի սկզբենե էին, Երևան, 2018:
- Экспресс “Солнечный Маршрут“, Ереван, 2011.
- De Terugkeer van de groene goden, Uitgeverij de Brouwerij Maassluis, Nederlads, 2010.
- Կանաչ աստվածների վերադարձը, Երևան, 2007:
- Թռչող հեծանիվ, Երևան, 2003:
Թարգմանություններ (անգլերենից)
- Խաղը (Արդի սլովակյան գրականություն, ժողովածուի պոեզիայի բաժինը թարգմանել է Վ. Արսենը), Երևան, 2009։
Պարգևներ
- Հոլանդական «Jambe-2010» ամենամյա բանաստեղծական մրցանակ`«Կանաչ աստվածների վերադարձը» (հոլանդերեն) բանաստեղծական ժողովածուի համար, 2010
- «Պոեզիայում նորարարության համար» հատուկ մրցանակ` Մոսկվայում կայացած «ԱՊՀ նորամուտների համագործակցություն» միջազգային մրցանակաբաշխության ժամանակ, 2008
- «Իրեն Գյուլնազարյան» հիմնադրամի «Տարվա լավագույն բանաստեղծ» մրցանակ, 2006
- Միջազգային PEN (ՊԵՆ) կազմակերպության պոեզիայի ամենամյա մրցույթի հաղթող, 2006
- «Լավագույն ուսանող-բանաստեղծ» հանրապետական մրցույթի հաղթող, 2002
Ծանոթագրություններ
- ↑ Վահե Արսենի մասին ՀԳՄ կայքում
- ↑ Արսեն Վահե (2018)։ Դոնկիխոտասպան իմ հայրենիք: կամ Ի սկզբենե էին (հայերեն)։ Zangak Hratarakchʻutʻyun։ ISBN 978-9939-68-676-9 CS1 սպաս․ հայերենը նշված է (link)
- ↑ Արսեն Վահե (2003)։ Թռչող հեծանիվ: Բանաստեղծություններ (հայերեն)։ ՀԳՄ հրատ։ ISBN 978-99941-34-12-0 CS1 սպաս․ հայերենը նշված է (link)