Sugi Lanus

Sugi Lanus inggih punika kurator Museum Pustaka Lontar, ring Karangasem, Bali. Ring masa kuliah di Jurusan Sastra Bali Univérsitas Udayana ida sampun teleb makarya paruh galah dados asistén peneliti ring Univérsitas Princeton, UCLA, Univérsitas Murdoch, Univérsitas Leiden, Univérsitas Osaka, miwah sanélianan. Sampun kocap milu makudang-kudang workshop miwah pelatihan internasional, miwah milu pendidikan pasca-sarjana ring makudang-kudang disiplin ilmu sakadi: budaya,turisme, miwah teologi.

Dané kapilih dados pamilet pertukaran pemuda ASEAN-Jepang (1997) saking sponsorship Perdana Menteri Jepang. Sampun madué pengalaman dados konsultan ring makudang-kudang lembaga internasional, inggih punika: GTZ, AusAID, UNICEF, WHO, British Council. Ring jurnalistik, dané makarya dados koresponden Majalah Témpo (1998-2000), fixer ABC TV, BBC, Arte TV, National Geographic miwah majalah Smithsonian. Dané aktif dados konsultan makudang-kudang workshop DPRD miwah pamrentahan daerah ring makejang wewidangan Indonésia (2005-2012) miwah dados konsultan politik independen malarapan antuk makudang politisi nasional (2012-mangkin).

Dané aktif masih kaundang mapidarta ring makudang rembugan budaya, inggih punika: Kongres Kebudayaan V (2003), Ubud Writers and Readers Festival (2004-2017), International Conference on Tagore, Hanoi, Vietnam (2011), Frankfurt Book Fair (2015), miwah sané liyanan, miwah makudang diskusi kependetaan Hindu. Dané dados menjabat Komisaris perusahan nasional (2004-2006), miwah Corporate Relation Executive silih tunggil perusahaan internasional sané mapusat ring London (2014-2016).

• S1 Jurusan Sastra Bali Univérsitas Udayana

Luwih tekén satus suratan sampun kawedhar ring makudang media onliné miwah cetak. Mangkin dados ngaryanang riset manut relief-relief sané gelah iketan tekén manuskrip lontar ring Borobudur, miwah Herbalian Project, silih tunggil proyék pemetaan herbal ring lontar Bali miwah Jawa Kuno.

• "Puja Tri Sandhyā: Indian Mantras Recomposed and Standardised in Bali", inggih punika silih tunggil kriya riset dané sané madaging makudang-kudang lontar mantra tur sampun katerbitang ring Journal of Hindu Studies, 2014, Vol.7 (2), Oxford Centre for Hindu Studies, Oxford University Press.
• Pangadeg Hanacaraka Society (2006) sané neliti lontar Bali miwah Lombok.

Pranala jaba

• Sugi Lanus ring Twitter
• Sugi Lanus ring Instagram
• Sugi Lanus ring Facebook