Soltan Qara

Soltan Qara 1962-ci ildə Əmircan qəsəbəsində anadan olub. 1988-ci ildən Bakı İncəsənət Mərkəzinin üzvüdür. 1990-cı illərdən Azərbaycan Rəssamlar İttifaqının üzvüdür. 2000-ci illərdə ABŞ-da yaşayıb, işləyib. Son dövrlərdə Bakıda bir sıra dekorativ kompozisiyalar yaradıb. Rəssam Əzim Əzimzadə adına Rəssamlıq Məktəbini bitirib. 1986-cı ildən sərgilərin iştirakçısıdır.

1978-1982 illerde Əzim Əzimzadə adına Baki rəssamlıq məktəbində təhsil alıb. Bir çox Respublika daxili ve beynəlxalq sərgilərdə iştirakçısı olub. 1999-2008 illərdə Amerika Birləşmiş ştatlarında yaşayıb. Soltan Qaranın muzeyimizdə sərgilənən “Sevinc və kədər” (kətan, yağlı boya) əsəri insan sevgisinə həsr olunub. Sevginin sevinci və kədəri. İnsan sevdiyi zaman sevinc və kədərlə yoldaş olumasından bəhs edir.

Rəssam Türkiyənin Konya şəhərində olarkən faciəli şəkildə vəfat edib. 49 yaşlı rəssam 11 oktyabr 2011-ci ildə qonaqlıqda olduğu dostunun damını düzəltmək məqsədilə dama çıxıb və ayağı sürüşərək 5 metr hündürlükdən yıxılıb. Ağır bədən xəsarəti alan S.Qara təcili olaraq xəstəxanaya çatdırılsa da, onun həyatını xilas etmək mümkün olmayıb.

Rəssamın cənazəsi 13 oktyabr 2011-ci il 16:00-da Bakıya gətirilib. S.Qara doğulduğu Əmircan qəsəbəsində torpağa tapşırılıb.

Rəssam ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.