Quick Facts
VirgoBiography
Ahọlu Samuel Olusegun Wheto (he yin jiji to azán fọtọ̀ntọ Zósun 1960) yin tòvi Dalẹ tọn, Dalẹ yin gbétatò de he tin to otò Gbagli tọn mẹ to aṣẹpipa Ayimatẹn Awọnlin tọn glọ to togbo Naijilia tọn mẹ.
Wepinplọn etọn
Ahọlu Samuel Wheto nọ̀ nafẹ etọn dè to gbétatò Agonu tọn he to tòpẹvi Irewe-Osolu tọn mẹ to Gandudu Dókọ tọn Ojo tọn glọ. Finẹ wẹ e yì wehọmẹ bẹjẹeji tọn etọn te to St. Francis Catholic Primary School, Igbo-Oja to owhe 1968. Enẹgodo, e yì wehọmẹ daho Methodist Secondary Modern School to Gbagli to 1974. Enẹgodo, e yì na zepọn de he mẹ e yí gbedewema he yin Modern III School Certificate te to 1977.
Otàn gbẹzan etọn tọn
Samuel Olusegun Wheto dà asi lẹ bo sọ jivi lẹ.
Azọ́n he e wà lẹ po ogán he e dù lẹ po
Samuel Wheto wazọ́n to Ahọlugbasa Ahọlu Akran Menutoyi tọn mẹ. E sọ do lẹblanulọkẹyi lọ nado dù gbétatògán na nudi owhe 20 do gbétatò he nọ yin Dalẹ ji. Mọdopolọ, dile ojlẹ to yiyi do, gbẹtọ lẹ wá to susu deji to gbétatò Dalẹ tọn mẹ, whenẹnu wẹ gbétatògán lọ, yedọ Baalẹ, wá dovivẹnu bọ vivẹnudido etọn sọ pa ẹ bọ e wá lẹzun Ahọlu de. Gbétatògán Dalẹ tọn mọ lẹblanulọkẹyi lọ yí to azán awetọ, Osun ṣinẹnẹtọ, owhe 2020 tọn nado lẹzun Ahọlu de do Ahọluduta Dalẹ tọn ji. Enẹwẹ zọn bọ Ahọlu Samuel Olusegun Wheto Ṣewhenu Toyọn I Ahọluduta Dalẹ-Whedakọ tọn do yin Gbétatògán godotọn po Ahọlu tintan Dalẹ-Whedakọ tọn po.
Alọdlẹndonu lẹ
