Quick Facts
AriesBiography
GERGELY Sámuel (gergej) estis hungara historiisto naskita en Lukafalva la 2-an de aprilo 1845 kaj mortinta en Hosszúfalva la 28-an de marto 1935. Li estis la pli juna frato de pedagogo Lajos Gergely.
Kariero
Sámuel Gergely studis teologion en Marosvásárhely, en 1868 li faris pastran ekzamenon. En 1871 li studis en la universitato de Marburg, poste li estis studento pri filologio de la universitatoj de Budapeŝto kaj Koloĵvaro. En 1879 li doktoriĝis kaj poste li estis dum dek jaroj ĉedoma instruisto de la familio de grafo Teleki. En 1884 li akompanis sian disĉiplon al Parizo, kie dum du jaroj li studis historion kaj literaturon en la Sorbonne kaj en la Collège de France. Post reveno li estis en 1889 privatprofesoro pri la historio de Eŭropo en la Universitato de Koloĵvaro, de 1896 ĝia titulara publika eksterordinara profesoro, de 1931 ĉefadministranto de la bienoj de la familio Teleki. Li priokupiĝis la francajn rilatojn de la regantoj Georgo Rákóczi la 1-a kaj de Emeriko Thököly. Li preparis por preso je komisio de MTA la leterojn kaj dokumentojn de Mikaelo Teleki (Bp., 1905–1926).
Verkoj
- XIV. Lajos és a spanyol örökösödés kérdése a pyrenei békétől az aacheni békéig 1659–1668 (Kolozsvár, 1879);
- Alvinczi Péter okmánytára (III., Pettkó Bélával Bp., 1887).