Quick Facts
Biography
Roger Viret
| Cél articllo z-est ècrit en arpetan savoyârd / ORB lârge. |
Rogiér Verèt [rɔ.ˈʒe vi.ˈrɛ] (Roger Viret en francês) — vegnu u mondo lo 18 de mârs 1940 a Ensegni — est un ècriven et poèto savoyârd de lengoua et d’origina arpetana.
Biografia
Rogiér Verèt est vegnu u mondo lo 18 de mârs 1940 diens la vielye comena savoyârda d’Ensegni, dediens la Corbura en Arbanês. Son pâre, Jian Verèt, ére de Marcelèt diens la comena de Moye. Aprés des ètudes d’en-dessus de filosofia et matèmatiques, fât de travâly dês 1963 tant qu’a 1964 en Centrafrica. Tornâ en France, vint comptâblo, pués travâlye tant qu’a la fin de sa carriére en enformatica. Quand arreve a la retrèta, sè bete a ètudiyér lo patouès savoyârd.
Por ècrire, sè sèrvét de la Grafia de Leçinjos dediens ses ôvres, qu’est na fôrma de la Grafia de Confllens mèlyorâ per Verèt lui-mémo.
En 2024, o fât asse-ben partia du comitât d'èxpèrts dèpleyês per lo Consèly dèpartemental de la Savouè-d’Amont por conselyér u nivél linguistico los dèvelopors de l'Univèrsitât de Savouè Mont Bllanc por la rèalisacion de n’aplicacion de sensibilisacion a la lengoua savoyârda.
Publecacions
- (frp) « Lé Zhê d’mon pa-i », 2000.
- (frp) « U kâro d’la shemnâ », 2002.
- (frp) « Su la rota d’la Korbeura », 2011.