Rodrigo Agerri

Rodrigo Agerri Gascón (Ribaforada, Nafarroa) Euskal Herriko Unibertsitateko ikertzailea da. Informatika Fakultatean lan egiten du 2016tik, Hitz Zentroaren barruan integratuta dagoen Ixa Taldean, Ramón y Cajal beka batekin

Informatikako doktoretza lortu zuen Londresko Unibertsitatean (2007), harrezkero Hizkuntzaren Prozesamenduan jardun du hainbat erakundetan Britainia Handian eta Euskal Herrian, Europako Batzordeak, Erresuma Batuko ikerketa-kontseiluek, Espainiako Zientzia Ministerioak eta Eusko Jaurlaritzak finantzatutako 20 ikerketa-proiektutan baino gehiagotan parte hartu du. Europako SUMAT proiektuaren koordinatzaile teknikoa izan zen eta Torres Quevedo ikerketa-beka bat eman zioten lehenago.

2022an OPENMINTED Tender proiektuko ikertzaile nagusia izan zen, eta COST ekintzaren barruan Lan Taldeko burua. “DeepReading: DeepReading: Mining, Understanding, and Reasoning with Multuele Content” proiektuko arduraduna da German Rigaurekin batera, Espainiako Zientzia Ministerioak finantzatutako proiektua.

Agerriren ikerketaren ardatzak Semantika Konputazionala eta Informazioaren Erauzketa dira (Entitateen izenen ezagutzea, Iritzi Meatzaritza, Albiste Faltsuak eta Posturaren Detekzioa (Stance Detection)...), bereziki ikuspegi eleaniztunetan eta linguistikoetan.

IXA pipes analizatzaileen sortzaile eta garatzaile nagusia da Agerri, hizkuntza-prozesamendurako prest dagoen tresna multzo eleanitza da hori.

Halaber, Apache Software Foundation-en OpenNLP proiektuan parte hartzen du proiektu-kudeatzaile gisa. Elkarte hori dela eta, Google Summer of Code (GSOC) erakundeko aholkularia ere izan da.

Oiartzun garrantzitsua du bere lanak nazioartekoan, 1.000 aipamen baino gehiago dira beste argitalpen zientifikotan Agerriren argitalpenek lortu dutenak.

• Donostiako Informatika Fakultatea

• Webgune pertsonHitz Zentroa
• Webgune pertsonalaGithub
• Rodrigo Agerri ACL anthology,.20 artikulu argitatuta Association for Computational Linguistics elkarteko kongresuetan
• «Rodrigo Agerri» scholar.google.com