Quick Facts
Biography
ପ୍ରଭୁଦତ୍ତ ପ୍ରଧାନ (୧୧ ନଭେମ୍ବର ୧୯୪୩–୨୮ ମଇ ୨୦୧୮) ଜଣେ ଓଡ଼ିଆ ସଙ୍ଗୀତକାର ଥିଲେ । ତାଙ୍କର ସଙ୍ଗୀତ ନିର୍ଦ୍ଦେଶନା ଭିତରୁ ସେ ଜଣାଶୁଣା ସମ୍ବଲପୁରୀ ଲୋକଗୀତ ରଙ୍ଗବତୀର ସଙ୍ଗୀତ ନିର୍ଦ୍ଦେଶକ ଭାବେ ପ୍ରସିଦ୍ଧିଲାଭ କରିଥିଲେ । ସେ ତିନି ବର୍ଷ ବୟସରେ ନିଜ ବାପାଙ୍କଠାରୁ ସଙ୍ଗୀତ ଶିକ୍ଷା ଆରମ୍ଭ କରିଥିଲେ । ୧୯୬୯ ମସିହାରେ ସେ ଆକାଶବାଣୀ ସମ୍ବଲପୁର ଷ୍ଟେସନରେ ବାଦ୍ୟଯନ୍ତ୍ର ବାଦନରେ ଯୋଗଦେଇଥିଲେ । ୧୯୭୫ ମସିହାରେ ସେ ରଙ୍ଗବତୀର ସଙ୍ଗୀତ ସଂଯୋଜନା କରିଥିଲେ ।
୨୦୧୮ ମସିହା ମଇ ୨୮ ତାରିଖରେ ତାଙ୍କର ଦେହାନ୍ତ ହୋଇଥିଲା ।
ପ୍ରାରମ୍ଭିକ ଜୀବନ
ପ୍ରଧାନ ୧୯୪୩ ମସିହା ନଭେମ୍ବର ୧୧ରେ ସମ୍ବଲପୁରର ମୁଦିପଡ଼ାଠାରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଥିଲା "ପ୍ରଭାସ ଚନ୍ଦ୍ର ପ୍ରଧାନ" । ତାଙ୍କୁ ତିନି ବର୍ଷ ହୋଇଥିବା ବେଳେ ସେ ନିଜ ବାପାଙ୍କଠାରୁ ସଙ୍ଗୀତ ଶିକ୍ଷା ଆରମ୍ଭ କରିଥିଲେ । ମାଟ୍ରିକ ପାସ କଲାପରେ, ସେ ବାରଣାସୀ ଯାଇ, ଗୁରୁ "ଯଦୁନାଥ ସୁପକାର"ଙ୍କଠାରୁ ତବଲାବାଦନ ଶିକ୍ଷା କରିଥିଲେ ।
୨୦୧୮ ମସିହା ମଇ ୨୮ ତାରିଖରେ ସମ୍ବଲପୁରଠାରେ ତାଙ୍କର ୭୫ ବର୍ଷ ବୟସରେ ଦେହାନ୍ତ ହୋଇଥିଲା । ତାଙ୍କ ପରିବାରରେ ତାଙ୍କ ବିଧବା ପତ୍ନୀ ଆରତୀ ଓ ଦୁଇ ପୁଅ ଅସୀମ ଓ ଆଶିଷ ଅଛନ୍ତି ।
ପେଶାଗତ ଜୀବନ
ପ୍ରଧାନ ସମ୍ବଲପୁର ଆକାଶବାଣୀ କେନ୍ଦ୍ରରେ ବାଦ୍ୟଯନ୍ତ୍ର ଶିଳ୍ପୀଭାବେ ୧୯୫୯ ମସିହାରୁ କାର୍ଯ୍ୟ ଆରମ୍ଭ କରିଥିଲେ । ସେ ଢୋଲ ଓ ମାଦଳ ବଜାଇବାରେ ବିଶେଷ ପାରଙ୍ଗମ ଥିଲେ ।
ନିର୍ଦ୍ଦେଶିତ ଜଣାଶୁଣା ଗୀତ
- ଡାଲଖାଇରେ
- ଲେ ଲେ ଲେ ବଉଲ
- ରଙ୍ଗବତୀ
ସମ୍ମାନ ଓ ପୁରସ୍କାର
- ଓଡ଼ିଶା ସଙ୍ଗୀତ ନାଟକ ଏକାଡେମି ପୁରସ୍କାର
- ଅରୁନ୍ଧତୀ ସମ୍ମାନ
- କାଦମ୍ବିନୀ ପୁରସ୍କାର
- ଜୁହାର ସମ୍ମାନ
- ଡାଲଖାଇ ସମ୍ମାନ
- ଓଡ଼ିଶା ଲିଭିଂ ଲିଜେଣ୍ଡ ଆଓ୍ବାର୍ଡ
- ପଶ୍ଚିମ ଓଡ଼ିଶା ସଂସ୍କୃତି ସମ୍ମାନ
- ନୂଆଖାଇ ସମ୍ମାନ