![](https://pplstatic.nyc3.cdn.digitaloceanspaces.com/static/images/dummy-gradient.jpg)
Quick Facts
Biography
Պյոտր Աժի (ֆր.՝ Pierre Louis Agie կամ Agis, 1752 - մարտի 10 (22), 1828, Սանկտ Պետերբուրգ, Ռուսական կայսրություն), ֆրանսիացի և ռուս քանդակագործ, ձուլորդ, դրոշմահար: Պետերգոֆի ճարտարապետական ձևավորման հեղինակներից մեկն է: Սանկտ Պետերբուրգի գեղարվեստի ակադեմիաի ուսուցիչ (1796—1812):
Կենսագրություն
Ծնվել է 1752 թվականին Ֆրանսիայում: 1781 թվականին արդեն լինելով կայացած քանդակագործ Եկատերինա II-ի օրոք տեղափոխվել է Ռուսաստան: 1796 թվականին Սանկտ Պետերբուրգի գեղարվեստի ակադեմիայում նշանակվել է դրվագվոր քանդակագործության դասարանի ուսուցիչ: Այնտեղ նա ուսանողներին սովորեցրել է իր արվեստը, հատկապես ձուլումը և բրոնզե իրերի հատումը: Միխայլովսկի պալատի համար պատրաստված աշխատանքների շնորհիվ 1800 թվականի օգոստոսի 18-ին ճանաչվել է զարդանախշային քանդակագործության ակադեմիկոս: Զարդանախշային քանդակագործության դասարանի փակումից հետո նա շարունակում է ապրել ակադեմիայում: Ունեցել է արվեստանոց, Միխայլովսկի պալատի պես զբաղվել է պալատների քանդակային ձևավորմամբ, օրինակ` Անիչկովի պալատը, ինչպես նաև Կազանի և Սուրբ Իսահակի տաճարները: Ռուսաստանը թողել է չորս տարի արտասահմանում արձակուդի ժամանակ (1804 թվականի հոկտեմբերի 8-ից մինչև 1808 թվականի դեկտեմբերի 19-ին), այդ ընթացքում համարվելով ծառայության մեջ: Աժին ունեցել է մի քանի աշակերտներ:
Մասոն եղել է, Պետերբուրգի մասոնական «Պաղեստին» ժողովարանի անդամ, որի կազմում եղել են շատ ֆրանսիացիներ, որոնք ապրել են ռուսական մայրաքաղաքում:
1816-1818 թվականներին աշխատել է իր սեփական արվեստանոցում Գրուզինո գյուղի Անդրեևի մայր տաճարի հուշարձանի վրա: Համագործակցել է Անդրեյ Վորոնիխինի հետ:
Մահացել է 1828 թվականին կաթվածից, չթողնելով ժառանգներ:
Ծանոթագրություններ
- ↑ Ажи // Малый энциклопедический словарь Брокгауза и Ефрона : в 4 т. — СПб., 1907—1909.
- ↑ Коновалов Э. Г. Новый полный биографический словарь русских художников. — М: Эксмо, 2008. — С. 16. — ISBN 978-5-699-20636-0
- ↑ Ажи, Петр Петрович
Գրականություն
- «Сборник матер. для истории Имп. ак. худ.», т. I и II, и Указатель А. Е. Юндолова, Спб., 1887;
- Формулярн. список Спб. сенат. архива, 1804, № 66, св. 42.
- Серков А. И. Русское масонство. 1731—2000 гг. Энциклопедический словарь. М.: Российская политическая энциклопедия, 2001:
Բառարաններ և հանրագիտարաններ | |
---|---|
Բառարաններ և հանրագիտարաններ |