Pierre Berchem

De Pierre Berchem, gebuer de 16. Dezember 1929 an der Stad Lëtzebuerg a gestuerwen den 1. Mee 2019 zu Krautem, war e lëtzebuergesche Moler a Sculpteur.

Hie koum aus enger Kënschtlerfamill, säi Papp de Leo Berchem war Schrëftsteller a Folklorist, säi Grousspapp den Antoine Jans, e bekannte Parzeläinsmoler.

Säi Secondaire hat hien an der Handwierkerschoul zu Lëtzebuerg gemaach, wou hie beim Professer Jean-Pierre Calteux Molerei geléiert huet. Duerno goung hien op d'Académie des Beaux Arts vu Léck, wou hie beim Professer Marceau Gillard Skulptur studéiert huet. Hien huet och zu Paräis am Atelier vum André Del Debbio geschafft.

Wierker

• Relief am Stee vum Monument aux morts zu Clausen (1950)
• Relief am Stee vum Monuments aux morts am Neiduerf (1952)
• Pietà am Stee vum Monument aux morts bei der Kierch um Lampertsbierg (1954)
• Relief am Stee vum Monument aux morts zu Gaasperech (1956)
• Relief am Stee vum Monument aux morts zu Bëttel (1959)
• Medaillon vum Laurent Menager
• Medaillon vum Batty Weber op der Batty-Weber-Stèle zu Rëmeleng
• Medaillon vum Nik Welter

Senger Wierker fënnt een am Nationalmusée fir Geschicht a Konscht zu Lëtzebuerg.

Ausstellungen

• Lëtzebuerg
• München
• Paräis

Literatur

• Berchem, P., Pierre Berchem - sculptures - dessins - peintures. Luxembourg: Saint-Paul, 2009 ISBN 978-2-87996-612-0

Quell

• Anthologie des Arts au Luxembourg, Éditions Borschette, 1992
• Henri Hanlet in Revue 19-05-1973

1. ↑ Doudesannonce am Luxemburger Wort vum 21. Mee 2019