Peter Richard

Dr Peter Richard (* 3. Hornung 1755 z’ Mìlhüüsa; 14. Mai 1822 z’ Niderbipp, Schwiiz) ìsch a elsassischer reformiarter Pfàrrer gsìì.

Dr Peter Richard ìsch dr Suhn vum Johann Jacob Richard un vu dr Anna Maria Schoen gsìì. Ar hàt àn dr Üniwärsiteet vu Bààsel gschtudiart un hàt sìch doo ànna 1772 immàtrikuliart.

Schpeeter ìsch’r Pfàrrer vu dr Mìlhüüser Schtefàànskìrìch worra. Naawadràà ìsch’r àm 22. Mai 1776 Mìtglììd vu dr Mìlhüüser „Gsällschàft fìrs Güata un Lìteràtüür“ worra. Ar ìsch àui Mìtglììd ìn dr „Pàtriootischa Gsällschàft“ gsìì un hàt oft d’ Litt vu dr „helwetischa Gsällschàft“ getroffa. Ànna 1798 hàt’r d’ Wuchazittung Mülhauser Bericht-Blatt grìnda — d’ Zittung ìsch noh ainem Joohr nìmm gedruckt worra. Noh dr Zammaschluss vu dr Schtàdtrepüblik Mìlhüüsa àns revoluzionäära Frànkrììch ìsch dr Richard üss’m Pfàrreràmt àbgsätzt worra. Schpeeter hàt’r àn dr Ziighüüsgàss s’ äärschta Mìlhüüser Laasazìmmer grìnda. Wu dr Konkordàt ànna 1802 ìn Kràft tratta-n-ìsch, ìsch dr Richard wììder Pfàrrer z’ Mìlhüüsa worra. Àb 1808 ìsch’r Pfàrrer z’ Pieterle ìm Kàntoon Bärn gsìì, un z’ Niderbipp àb 1819.

Àm 19. Janner 1784 hàt dr Peter Richard d’ Anna Kielmann (* 1762; † 1804) ghiiroota ghàà; mìt ìhra hàt’r säcks Kìnder ghàà. Àm 14. Jüüni 1804 hàt’r eewafàlls z’ Mìlhüüsa d’ Anna Schlumberger ghiiroota; mìt ìhra hàt’r a Suhn ghàà.

• Raymond Oberlé: RICHARD Peter. In: Nouveau dictionnaire de biographie alsacienne. Band 31. Fédération des Sociétés d’Histoire et d’Archéologie d’Alsace, 1998, S. 3190 (französisch, alsace-histoire.org). 

• dr Peter Richard bii Geneanet