Pello Apezetxea Zubiri

Pello Apezetxea Zubiri (1932ko ekainaren 2a, Goizueta, Nafarroa Garaia) euskal apaiza, etnografoa, etnologoa, kultura ekintzailea, idazlea eta ohorezko euskaltzaina da. Ttipi-Ttapa Fundazioaren lehendakaria ere bada, bai eta Herria 2000 Eliza erakundeko kide ere, eta Usoa nekazari kooperatibaren sorreran ere lan egin zuen.

Idazle oparoa da, euskal kultura eta etnografiari buruzko liburu ugari idatzi baiditu. 2006ko azaroaren 26an ohorezko euskaltzain zendatu zuten. Aspalditik Etxalarko Andre Maria elizako apaiza da, 2015ean herri horretako apaiz izaten 50 urte bete zituen (1965etik), horregatik Etxalarko parrokiak omenalditxo bat egin zion, oroitzapen seinale gisara.

2017an udalerri horretako disko-formako hilarriei buruzko Joandakoen oroigarriak; Etxalarko hilarriak liburua argitaratu zuen.

• Etxalarko Usategiak artikulua, Cuadernos de Etnología y Etnografía de Navarra (1999)
• Bi erreka arteko Andre Maria Eliza (2006)
• Etxalarko etxeen izenak [elkarlanean] (2009)
• Etxalarko historiaren zenbait jakingarri (2009)
• Joandakoen oroigarriak; Etxalarko hilarriak (2017)

1. ↑ Pello Apezetxea omendu dute Etxalarren 50 urte bete dituelako herrian apez. 2015eko irailaren 16a. Erran.eus

• Pello Apezetxearen fitxa irakurgai. Euskaltzaindia.eus
• Pello Apezetxea apezari elkarrizketa. 2017ko urtarrilaren 24a. Noticias de Gipuzkoa (Gaztelaniaz)