Quick Facts
PiscesBiography
Pedro Cañada Castillo (Calçailla,Caçris, 22 hebreru de 1936) es un políticu i professol univelsitariu estremeñu. Ogañu es el secretariu general del partiu Extremadura Unida.
Pedro Cañada Castillo hue unu los hundaoris, al eniciu de la Transicion española, del partiu Acción Regional Extremeña, que pocu endespues s'entegraria ena coalicion, alogu partiu políticu, Unión de Centro Democrático. Elegiu senaol por Caçris pola UCD en 1977 i 1979, dexó el partiu, passandu del Grupu Centrista al Mistu el 17 noviembri de 1979, pa hundal Extremadura Unida.
Á siu alcaldi del su puebru, Calçailla. Tamien hue Consejeru d'Educacion ena Hunta d'Estremaúra.
La su carrera académica la realizó como professol de Filosofía ena Univelsiá Complutensi de Mairil. Tamien hue diretol del Gabineti d'Estúdius i Ativiais Culturalis de la Univelsiá Autónoma de Mairil. Es Dotol en Filosofía pola Univelsiá de Friburgo (Suiça) ena especialiá d'ética social. Espubricó en 1968 la su tesi dotoral entitulá "Derecho al Error".