Pascal Ottawa

Pascal Ottawa (Pako)

awin mia	iriniw
askik iriniw	Kanata
e icinikasotc	Pascal
e ici wirakaniwitc	Ottawa
pitc ka nitawokitc	27 Mikomini pisimw 1970
e ki ititosketc	Powpowpepitcike iriniw, Nikamo iriniw
otenaw	Manawan
instrument de musique pratiqué	voix

Pascal Ottawa nicw acitc nicowaso Mikomini Pisimw 1970 ki nitakwokiw nete coriet, François Ottawa kaie Elisabeth Boivin ki icinikasoriwa onikihikwa. Nictam ka nte powpowpikepitciketc mitato acitc new titopiponesipan, otawia ki miriko powpowpikepitcikaniw. 1982-83 wiec ka icatc micta kiskinohamatokamikok pekwakimik itikera. Nama kinec ki tci wapamew okawia. Nictam ka ocitatc nikamowiniw, okawia otci, . Nictam Capetciwotakanik ki nte metowew acitc otcirowemakana kaie ockinikicica ka tacikeritci nete Capetciwotakanik. Minatc tca ko e nipinik pe kiwepan e pe nta metowetc acitc okwimesa ota Manawanik. 21 ka titopiponesitc, 1991, ekote ni apitc ka nte mawtci otcimetowematc Pinaskin. Aci ko nte metowepanak Pinaskin epomici ka nte positc Pako. 1991 e nipinik ka nte pitiketcikw mikiwan ka irapatak e ocihakiniwitc tekirepicic. Atcikoc ki icinkatewok nictam otekirepicic Pinaskin. Kaskina wiec ki nta metowewok Innu askik (Mani-utenam,Betsiamites, Nutashkuan kaie Pekwakimik), anishnape askik kaie Kreeok askik, emitcokicic otenam kirika ki ici nta metowewok (Moriak, Laval, Metaperotin kaie Capwetcikotakanik). Ka ki kirika witcimetowematc David Hart, kaskina wiec ki ci icawok Nunavut itikera, ki witciotamiromew tci ki ocihatc David tekerepcica, Florent vollant kirika ki pa witcimetowemew, mamo ki otamirowok nikamowiniw e ki ocitatcitc Manuanik ki icinikatamok.Sakay Ottawa kirika witci otamiromew nictam kaie necw ka ocihatc tekerepcica anawe Sakay. Régis Niquay ,ka ki witcimetowematc Pinaskin kirika, witci otamirohok tekeripcica kitci ki ocihatc, 29 pitcipipon pisimw ki matce atowewok. Moseckan acitc okwimesa ki nta witcimetowemew kirika ki otamiro nta kewir acitc Siméon Chachai. Nictam kewir ka ocihatc tekirepicica Ni Matisiwin icinikasoriwa. Otananik omikiwamik acteriw e ki tcimotatc mikiwamiciciriw ki tci ki ici metowetcik neki ka wi ocihatcik tekirepicica, mitcetiwok nikamoriniwok/iskwewok ka ki nta ocitatcikw nikamowiniw.