Quick Facts
Biography
Otto Christoph Heise (* 3. April 1750 in Full; † 27. Oktober 1819 in Stood) weer en düütschen Verwaltungsbeamten.
Heise is 1750 as Söhn von Anna Engel Marlene Schugdt (27. Oktober 1718–18. November 1773), un den Offzeer Otto Wilhelm Heise (8. September 1698–28. November 1770) in Full boren. He hett an de Universität Göttingen Juristeree studeert un is in’n hannöverschen Verwaltungsdeenst gahn. He weer Amtsauditer bi dat Amt Veern, denn Amtsschriever bi de Ämter Steierberg un Liebenau un von’n 2. August 1780 af an in dat Amt Hagen. In de Tied von’n Eersten Koalitschoonskrieg is Heise 1796 Feldkriegskommissar von dat hannöversche Observatschoonskorps worrn. In’n Mai 1798 is he as Amtmann in dat Amt Scharzfels versett worrn.
Von 1802 af an weer he Kommerzraad un Bövertollinspekter to Brunshusen un Stood. Dat is he bet to sien Dood 1819 bleven.
1788 is na em de Moorkolonie Heis nöömt worrn.
He hett Maria Dorothea Scharf freet. De beiden harrn söven Kinner. Ünnern annern Otto David (9. Mai 1780–19. Mai 1780), Otto Christoph (* 9. April 1785) un Friedrich Wilhelm (6. Mai 1791–23. November 1862).