Oleti Parvatisam

ఓలేటి పార్వతీశం (1882 - 1955) ఒక కవి. ఈయన పిఠాపురం వాస్తవ్యులు, వేంకట పార్వతీశ్వర కవులలో ఒకరైన ఈయన మొదట సొంతంగా వ్రాసేవారు. తదనంతరం ఆయన తన బావమరిదితో కలసి వ్రాయడం ప్రారంభించారు. ఇరవైయవ శతాబ్దిలో తెలుగు సాహిత్య రంగంలో వీరు తెలుగు జంటకవులుగా బాలాంత్రపు వేంకటరావుతో కలసి జంటకట్టి కవిత్వరచన చేశారు.

అతను 1882లో జన్మించాడు. అతను బాలాంత్రపు వేంకటరావు తో సంయుక్తంగా అనేక పుస్తకాలను గద్య, పద్యాలలో రాశాడు. వారు ఆంధ్ర ప్రచారిణీ గ్రంథమాల పతాకంపై ప్రచురించబడిన బెంగాలీ, హిందీ, మరాఠీ నవలల అనువాదాల ద్వారా తెలుగు నవల అభివృద్ధికి సహకారం అందించారు. వీరు కాకినాడలో నివసించారు. పిఠాపురం రాజాస్థాన పోషణలో ఉండేవారు.

వేంకట పార్వతీశ కవులుగా "కావ్య కుసుమావళి", "బృందావనం", "ఏకాంత సేవ" తదితర కావ్యాలు రచించారు. వీరి కావ్యాల్లో ప్రఖ్యాతమైన కావ్యం "ఏకాంత సేవ".

ఆయనకి ఇరువురు కుమారులు మొదటి వారు ఓలేటి అచ్యుత రామచంద్ర మూర్తి , రెండవ వారు ఓలేటి శశాంక (ఓలేటి సుబ్బారావు) గేయకవిగా, భావకవిగా ప్రసిద్ధి చెందాడు. శశాంక కుమారుడు ఓలేటి పార్వతీశం. కవిరాజహంస బిరుదాంకితులైన ఓలేటి పార్వతీశం 1955లో మరణించారు.

అతని మనుమడు ఓలేటి పార్వతీశం కూడా కవి, రచయిత. అతను ఆకాశవాణి కడప కేంద్రంలో 1978లో చేరి దూరదర్శన్‌కు బదలీమీద 1981 లో వెళ్ళాడు. అక్కడే ప్రోగ్రాం ఎగ్జిక్యూటివ్‌గా 1988 లో UPSC ద్వారా ఎంపికయ్యాడు. అతను సాహిత్య కార్యక్రమాల రూపకల్పనలో ఆయన మేటి.