Nils Pukstad

Nils Nilsson Pukstad (14. juli 1846–6. august 1890) var ein underoffiser, gardbrukar og stortingsmann frå Stadsbygd i Sør-Trøndelag.

Pukstad var son til ein gardbrukar. Sjølv gjekk han underoffisersskulen i Trondheim. Han tok eksamen 1868 og var sersjant 1870, kommandersersjant 1885. Han kjøpte garden Blekstad i heimbygda i 1875 og dreiv denne til han kjøpte ein annan gard, Ruberg, i 1889. Han fekk skipa sparebank for Stadsbygd, der han var styreformann til han døydde.

Pukstad var 4. representant frå Søndre Trondhjems amt på Stortinget 1889-91. Han var medlem av Lagtinget og militærkomiteen.

Han døydde i Kristiania i 1890.

• Lindstøl, Tallak:Stortinget og Statsraadet 1814-1914. Kristiania, 1914