Quick Facts
Biography
Nicolaus Johann Mittag (* 21. Oktober 1719 in Celle; † 12. April 1790 ok dor) weer en düütschen Verwaltungsbeamten.
Mittag is 1719 in Celle boren. He hett sik an’n 11. April 1738 as Student an de Universität Marburg inschreven un en Studium von de Juristeree anfungen. An’n 7. Oktober 1740 is he an de Universität Göttingen wesselt un an’n 20. April 1741 an de Universität Halle. Dor is he an’n 1. Februar 1743 mit en Dokterarbeid över dat Thema De probatione per delationem iuramenti bi Justus Henning Böhmer Dr. jur. worrn. Na dat Studium is Mittag in’n hannöverschen Verwaltungsdeenst gahn. He weer von 1755 bet 1756 Amtsschriever von dat Amt Neehuus an de Oost un denn von 1756 bet 1760 Amtsschriever von dat Amt Beers. Von dor is he 1761 as Borgvaagd in de Borgvaagdie Celle versett worrn.
Mittag weer verheiraadt un harr de Dochter Elisabeth Carolina (* 13. Dezember 1756; hett Johann Georg Christoph Koch freet).