Mohammed Amin Bamba

E-Class

Mohammed Amin Bamba nyɛla Musulinsi Adiini baŋda ka lahi nyɛ zuɣulan zaŋ ti Bamba Islamic Institute. Bɛ dɔɣi o la Ejura ka o lee zooi Naya. O ba dɔɣiro n-nye Alhaji Abdul-Rahman Bamba, o ma mi n-nye Hajia Rahmatu Jibreel. Bɛ bela Ejura

Shikuru Baŋsim

Sheehu Amin Bamba pilila o shikuru baŋsim bobu la J.S.S du' yini ni, St. Kizito Shikuru din be Naya la. Lala saha maa o daa pun karim la mahamadiya karim viɛnyɛla ka wuhiri duraayobu (P6) bihi. Lala bihi maa n-daa ti yɛn kpe J.S.S 1 ka Amin Bamba daa doli ba kpe J.S.S 1 maa.

O chaŋ Tamasco gba, n-yi ni chaŋ University of Ghana.

"University of Ghana" ka o daa dee "Bachelor of Science Degree in Finance and Administration". O daa lahi chaŋ University of Cape Coast n-ti karim ka dee "Master of Arts Degree" shɛhira gbaŋ.

Mahammadiya Baŋsim

Ejura ka o daa pili karim, Afa Baba Al-Mutin sani. Din nyaanga, o ba daa zaŋ o mi n-ti ti o bapir' Adam Issa Bamba, Kumahi yiŋa. Shekh Issa Bamba sani ka o daa bohim Laribu karimbu. O daa lahi karim Sheikh Sufian gba sani Naya.

Tuma

O nyɛla limam kpɛma zaŋ ti jiŋ' titali shɛli din yuli booni Masjid Al-Qudwa ka be Tamale foŋ yuli booni Kpambɛɣu. Ŋuna n-nyɛ zuɣulan zaŋ ti "Bamba Islamic Institute" din be Tamale la, ka lahi nyɛ kpɛma Bamba International Academy Limited din nyɛ Silimiinsili mini Mahamadia shikuru be Tamale. O lahi mali zaɣa pam zaŋ kpa lɛbigimsim, fara tuhibu ni baŋsim bobu polo pam.

Bamba Islamic Institute

Bamba Islamic Institute nyɛla tumadu' shɛli di be Tamale ka di tuma nyɛ baŋsim bomma ni biɛhigu lɛbiginsim soya kpaŋsibu Musulinsi ʒilɛli ni Ghana, ballee Tudu yaɣili. Sheikh Amin Bamba n-nyɛ tumaduu ŋɔ zuɣulana.

Masjid Al-Qudwa

Masjid Al-Qudwa nyɛla jiŋ' titali be Kpambɛɣu din be Tamale la. Di nyɛla zumba jiŋli ka bɛ lahi yihiri waazu di ni.

Sheikh Amin Bamba n-nyɛ jiŋli ŋɔ Limam kpɛma.

Kundivihira

1. ↑ Illiteracy Is The Bane Of Muslims’ Development – Sheikh Bamba (English). SAVANNAH NEWS. Retrieved May 16, 2017.
2. ↑ GNA. Gender Department holds conference on child marriage (English). Business Ghana. Retrieved 1st Nov 2018.
3. ↑ Error on call to Şablon:cite web: Parameters url and title must be specifiedAbdul-Jalil Naabeli Musah. . My Northern Achiever. Retrieved 30 November 2019.