Mikhail Volkov

Міхаіл Міхайлавіч Волкаў (23 верасня 1963, в. Гарбачэва, Расонскі раён, Віцебская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Нарадзіўся 23 верасня 1963 года ў в. Гарбачэва Расонскага раёна Віцебскай вобласці.

Скончыў Беларускую сельскагаспадарчую акадэмію, вучоны аграном. Кандыдат сельскагаспадарчых навук, дацэнт.

Працаваў галоўным аграномам, намеснікам старшыні калгаса «Іскра» Шумілінскага раёна Віцебскай вобласці; намеснікам старшыні калгаса імя Ф.Энгельса Шумілінскага раёна.

З 1992 года працаваў ва ўстанове адукацыі «Беларуская дзяржаўная сельскагаспадарчая акадэмія» асістэнтам, старшым выкладчыкам, дацэнтам, загадчыкам кафедры захоўвання і перапрацоўкі прадукцыі раслінаводства, дэканам агранамічнага факультэта.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Жанаты, мае сына.

• Дасье на сайце Палаты прадстаўнікоў Нацыянальнага сходу Рэспублікі Беларусь (бел.)