Quick Facts
GeminiBiography
Михаил Васильович Чикивдя - русинськый поет и прозаїк, член Союза русинськых письменникÿв Закарпатя. Выд початку літературнôї діяльности и до типирь пише у такых жанрах, як стих, акростих, новела, очерк, поема. Чикивдя майже первый тко ввів акростих у русинську літературу. Пишевшитко выключно русинськóв бисідóв, айбо много историчных статтїв пêрêтлумачуе на украйинську и пичатат у місных газетах.
Біографія
Михаіл Васильович Чикивдя уродив ся 2 юнія 2000 года у с.Березникы Свалявського района що на Подкарпатю, у простÿй русинськÿй сімї. З діточых году увлікав ся самоботнов русинськов культуров.Нêсмотря на свÿй молодый вік уже зробив великый внесок у розвой русинської поезії і літературы. Його творы постоянно публікуют ся у журналі «Отцюзнина» и другых пичатных выданнях, а также сайтах.
У 2016 г. выдав свÿй першый зборник пÿд названім «Сад русинськой пезії», якый быв красно оціненый не лиш унас на Подкарпатю, ай похвально спринятый Світовыми русинськыми Обществами. У томуж годови вступає в Свалявськоє районноє Общество Подкарпатськых русинов, де принимат активноє участіє у ранных заходах.
21 апріля читає свої стихы на Фестивали русинської поезії, якый проходив у Сивлюши за що быв удостоєный грамотов-подяков од Закарпатського Областного Общества ім. А.Духновича, а 23 апріля принимає активноє участіє на празнованії Дня Русина, якый прÿйшов у вароши Мукачово, де офіційно быв принятый у Союз русинськых писателю Закарпатя по мимо того получив почесну грамоту і спеціальный приз ім. И.Петровція од Крайового Общества русинов.
6-того октября 2017 рôку выдав другу збірку "Співанка русинської душі", у яку ввойшло 15 авторськый, 100 народный співанок, давні русинські колядкы и рождественна игра - бетлегем.
15-того децембра 2017 рôку выдав тритій зборник русинськых стихўв "Запискы з Боржавськой долины"
18 децембра 2017 рôку став первым в исторії обладатильом нарас двох призÿв: Приз памняти И. Петровція 2017 и призом побідитиля "народного голосованя" Руської Примії 2017.
30 марта 2018 рôку выдав зборник написаный прôзôв "Березникы у давнину. Истôрія и етнокультура".
Первых днўв децембра выдав поетичный зборник "Русинська сатира".
8 юлія 2019 рóку выпустив истóричну книжку "Истóрія Віры Березникӱв".
Акростихы
Чикивдя ци не першый ввів акростих у русинську літературу. Його акростихы так, ги и обычні стихы написані на усякі темы. Например:
Рўдна сторона для каждого сята,
Отцюзнино! Ты у нас єдина!
Диржімся в рокаши,не найде нас біда
И заживе щасливо русинська РОДИНА!
Низабудьме шуга Богу ся молити,
А Христос спасе, не дасть нас згубити!
Солонину и сыриць дусігав з торбинкы,
Огинь красно загурів - тріскотят іскринкы.
Лишило ся из ліщанкы вытяти рожен,
Ой як файно я заїм й сяду си пўд клен.
Ниськы маю серенчу й дуже файну днину,
Ипну, дoбру, запашну спіки м солонину.
На стулі ищи булькы, сыр и цибулина
А я наллю йщи вина, туй и є гостина.
Тихинька уже настала нўчка,
Игрило звізды світят у небесах.
Хôчу зась я здріти в твої вўчка
Ітак файнинькі вижу лиш у снах.
Яснинькый місяць засвітив над нами,
Сидиме мы двоє, и журбы ниє.
Нитко не знає, ци ходиме садами,
І шуга не пувість, що миж нами є.
Нись цілу нўчку будеме мы двоє,
Огні яскраві танцювт на небесах...
Чикати сонце будеме убоє,
И пўдеме израна, садочком, по росах
Букўвчик малинькый пўд буком росте,
У густўм хамничку и по долах.
Косиця пахняча коло нього цвіте,
пЎду за ним пô всіх горах.
Вўн файно ся спрятав, пўд вялі листочкы,
Чикат, кôй пўде у кошарчик.
Из грибом біжу через зворы й мосточкы
Красного нимає й базарчик.
Акростих "ТАЙСТРИНА" быв напичатаный у 9 выпуску журнала "Отцюзнина"
Зборникы
- "Сад русинськой поезії" (2016)
- "Співанка русинської душі" (2017)
- "Запискы из Боржавськой долины" (2017)
- "Березникы у давнину. Истôрія и етнокультура" (2018)
- "Русинська сатира" (2018)
- "Исторія Віры Березникӱв" (2019)
Историчні роботы
- Перепис людности Подкарпатя (СВАЛЯВЩИНА)
- Перепис людности Подкарпатя (ВОЛОВЕЧЧИНА)