Quick Facts
CapricornBiography
De Mike Welter, gebuer den 22. Dezember 1964 zu Lëtzebuerg, ass e fréiere Radiomoderator an DJ.
Vun 1977 u war hie Member an engem mobilen Discoteam.
1984 huet hien als Animateur bei Radio Organique ugefaangen, engem Piratesender zu Lëtzebuerg, dee vum Guy Felten an d'Liewe geruff gi war.
1986 huet de Mike Welter déi éischt Live-Sendung um RFM gemaach, engem weidere Pirateradio. No der éischter Perquisitioun duerch d'Autoritéiten huet de Mike mat sengen Aktivitéite beim RFM opgehalen, well et him e bëssen ze geféierlech gouf. Parallel huet en ënner dem Numm DJ Mike MC zu Lëtzebuerg eng DJ-Carrière gemaach. Hien huet et ë. a. bis an d'Finall vun den DMC-DJ-Meeschterschafte bruecht, an ass an der Zäit géint Léit wéi z. B. den DJ Bobo ugetrueden. Hie war och den éischte lëtzebuergeschen DJ deen als Produzent aktiv gouf an huet 1988 seng éischt Maxi-Single mam Titel Want-Ya-Back erausbruecht, zesumme mam DJ Mich Van Tune (Master J).
1989 huet de Mike Welter mam Mich Van Tune, dem Patrick Morbach (Cool Joke) an dem Danielle Stoors (Screamy D) d'Formatioun DJ Mike MC & The Lyrical Force gegrënnt. Si hunn Enn 1989 den Album Move Your Body erausbruecht, den éischten Hip-Hop Album made in Luxembourg. Mat deem Album si si an däitsche Stied opgetrueden.1992 gouf de Mike Welter ee vun den éischte Moderatore vun Eldoradio, wou e fënnef Joer laang de Coca-Cola Chartbreaker presentéiert huet. Och am Joer 1992 ass The Lyrical Force virun 8000 Leit um Open-Air um Knuedler opgetrueden.
1995 gëtt en d'Single "She Wants 2 Much" eraus.
1996 ass de Mike Welter ee vun den Haaptinitiateure vun de "Ring My Bell"-Partyen am Atelier, wou e bis 1999 mam Jules Serrig d'Musek opleet.
Am August 1999 wiesselt hien op Radio DNR wou e Musekredakter gouf. 2008 huet hien zesumme mat APP-Studios de "Luxembourg's Next Radiostar" organiséiert, dee gréissten Nowuessconcours fir Museker zu Lëtzebuerg, bei deem iwwer 70 Museker a Gruppe matgemaach hunn.
Zanter Oktober 2008 schafft de Mike Welter selbstänneg an der Communicatiounsbranche.
2010 ass en Deel vum Mike Welter senger Musekscarrière am Film Hamilius ze gesinn, wou hien och als Zeien iwwer d'Hip-Hop-Beweegung an den 80er schwätzt.