Miguel Cadenas

Aprobou as oposicións a xuíz en 1974 e foi destinado ao xulgado de primeira instancia do Barco. En 1976 é destinado a Ribadavia, e tres anos máis tarde, en 1979 ascende a maxistrado e ocúpase de procesos laborais en tribunais do social primeiro en Burgos, logo en Vigo e logo en Oviedo. En 1986 é nomeado presidente da Audiencia provincial de Ourense, e en 1989 pasa á audiencia da Coruña. En 1995 toma posesión como presidente da sala do social do Tribunal Superior de Xustiza de Galicia, posto que ocupa ata 2008, cando é designado como presidente dese tribunal, o máis alto órgano xudicial de Galicia. Tomou posesión deste novo destino o 19 de febreiro de 2009.

Tamén é profesor das universidades de Santiago e da Coruña. É membro da asociación de xuíces Jueces para la Democracia.