Mertxe Mugika

Mertxe Mugika Balantzategi (Elorrio, Bizkaia, 1963) AEK-ko irakaslea da, pertsona helduak Alfabetatzeko eta Euskalduntzeko Koordinakunde horretan 2006tik 2019ra idazkari nagusia izan da.

AEK-n zuzendari izan baino lehenago bertako irakasle izan zen. Bere 13 urteko agintaldian, ikasleen kopuruari dagokionez, AEK helduen euskalduntze alfabetatzean aritzen den elkarterik garrantzitsuena izatera iritsi da eta, administrazio-banaketak gaindituz, Euskal Herria osoan lan egiten duen bakarra. Ehun euskaltegi eta gau-eskola baino gehiago ditu, eta 600 bat irakasle.

AEK-k bi urterik behin antolatzen Korrika inoiz baino onarpen handiagoarekin, eta parte-hartze handienekin aritu izan da Mertxe Mugikaren gidaritzapean. Gainera AEK eta normalizazio prozesua oso egoera interesgarrian zeuden Mertxe Mugikaren kudeaketaren azken urteetan, ikasleen gorakada izan zen: herritar gehiagok jotzen zuen euskaltegietara, eta euskara praktikatzeko egitasmoetara ere. Baita normalizazio-egitasmoetan edota aktibazio-ekimenetan ere.

Hala ere, Irakasletza osatzeko zailtasunak aurkitzen zituzten AEKn, irakasleen lan-baldintzetan prekarietatearen seinaleak aurkitzen baitziren "08:00etan hasi eta 22:00etan amaitu, hurrengo urtean ez dakizu non ibiliko zaren..." Mugikak une gozo gisa gogoratu zuen 2017ko Korrika,kilometro bat euskalgintzako eragileek eta erakundeetako ordezkariek elkarrekin egin zutenean. Argazki berezia izan zen, geroko urratsen aurrekaria. «Irudi hura betiko geratuko zait iltzatuta buruan». 2019ko urrian Alizia Iribarren izango da AEK-ko idazkari nagusia. Aldaketa izango da AEKrentzat Iribarren Tuteran (Nafarroa) bizi da-eta. 2019ra arte Erriberako AEKren arduraduna izan da.

• 2019: Bai Euskarari saria. "Mertxe Mugika Euskal Herriko kooperatiba handienetariko bateko buru izan baita. Mugikak AEK-ko koordinatzaile nagusiaren postua utzi zuen irailaren 30ean, 13 urte egin ostean. Urte horietan guztietan egin duen lana aitortzeko eman diogu aurten Bai Euskarari Saria".
• 2017: Euskararen Aholku Batzordeko kidea.

• AEK
• Euskara

• Wikimedia Commonsen badira fitxategi gehiago, gai hau dutenak: Mertxe Mugika

  @MertxeMugikaMertxe Mugika kontua Twitter-ren.
  • Mertxe Mugikaren artikuluak berria.eus-en
  • Aek.eus: Mertxe Mugika Arrakasta adibidea. Youtube
  • «Mertxe Mugika: 'Kilometro salmenta inoiz baino hobeto joan da» (Gure Kasa, 2019-04-11) www.eitb.eus .
  • Datuak: Q65581257
  • Multimedia: Mertxe Mugika