Quick Facts
Biography
Մելիսա Բիլալ (1978), ամերիկահայ ակադեմիկոս, համալսարանի դասախոս, էթնո երաժշտության մասնագետ։ Բիլալը Լոս Անջելեսի Կալիֆորնիայի համալսարանի Մերձավոր Արևելքի հետազոտությունների կենտրոնի ականավոր գիտաշխատող է և էթնոերաժշտագիտության ամբիոնի դասախոս։ Նաև Հայաստանի ամերիկյան համալսարանի հումանիտար և սոցիալականգիտությունների ֆակուլտետի դոցենտ է։
Գիտական գործունեություն
Հայագիտություն է դասավանդել Չիկագոյի համալսարանի հումանիտար գիտությունների ֆակուլտետի Մերձավոր Արևելքի լեզուների և քաղաքակրթությունների բաժնում։ Մելիսա Բիլալը աշխատել է Մասաչուսեթսի տեխնոլոգիական ինստիտուտում` (MIT) որպես հրավիրված պատմագետ, Կոլումբիայի համալսարանի` Մերձավոր Արևելքի, Հարավային Ասիայի և Աֆրիկայի ուսումնասիրությունների բաժնում` (MESAAS) որպես հայագիտության հրավիրված դասախոս, Բոազիջի համալսարանում` որպես պատմության դասախոս, Ստամբուլի արևելյան ինստիտուտում` որպես հետդոկտորական ծրագրիգիտաշխատող և Կոլումբիայի համալսարանի «Մելլոն» հետդոկտորական դասավանդման ծրագրի գիտաշխատող երաժշտության գծով։
Գիտական ուսումնասիրությունները ընդգրկում են 1915-1922 թվականների Հայոց ցեղասպանության հիշատակի քաղաքականությունը և հիշողության նեոլիբերալ քաղաքականության քննադատությունը Թուրքիայում բռնության, տեղահանության, օտարման և գոյատևման թեմաներով։ Նրա հետազոտությունները և հրատարակությունները ներառում են Թուրքիայի հայ համայնքում պատմական գիտելիքների ձևավորումն ու փոխանցումը զգայական մակարդակում, երգեցողությունը և հեքիաթասացությունը, երաժշտության ազգագրության պատմությունն ու քաղաքականությունը և հայկական ֆեմինիզմի պատմությունը։
Ավարտին է հասցրել «Ձայնային ստորագրությունները. ռուս-հայկական ռազմագերիների ձայնագրությունները գերմանական համակենտրոնացման ճամբարներում, 1916-1918 թթ․» աշխատանքը։
2006 թվականին խմբագրել է «Ճիչ արդարության համար. հինգ հայ ֆեմինիստ գրողներ Օսմանյան կայսրությունից մինչև Թուրքիայի Հանրապետություն (1862–1933)» թուրքերեն գիրքը։
Ծանոթագրություններ
- ↑ http://viaf.org/viaf/50425549
- ↑ «Lecture: “A Foe of Injustice and Prejudice: Srpuhi Dussap and the Foundations of Nineteenth-Century Ottoman Armenian Feminist Thought” with Melissa Bilal» (en-US)։ Արխիվացված է օրիգինալից 2021-05-15-ին։ Վերցված է 2021-05-15
- ↑ «Fellow Melissa Bilal of Turkey Co-Chairs Feminism & Armenian Studies Conference»։ IIE Scholar Rescue Fund (en-US)։ Վերցված է 2021-05-15
- ↑ «Melissa Bilal | Near Eastern Languages and Civilizations»։ nelc.uchicago.edu։ Վերցված է 2021-05-15
- ↑ «Melissa Bilal»։ The UCLA Herb Alpert School of Music (en-US)։ Վերցված է 2021-05-15
- ↑ «Մելիսա Բիլալ»։ Zabel։ Վերցված է 2023-03-13