Qajik Harutyunyan

Քաջիկ Արսենի Հարությունյան (1948, Քոլատակ, Մարտակերտի շրջան, Արցախ), խորհրդային հայ դերասան, ռեժիսոր։ ԼՂՀ ժողովրդական արտիստ (2004):

Ծնվել է 1948 թվականի մարտակերտի շրջանի Քոլատակ գյուղում, ուսուցչի ընտանիքում: Վեց տարեկանից հաճախել է տեղի 7-ամյա դպրոցի առաջին դասարանը: 5-րդ դասարանից տեղափոխվել է Շուշի քաղաք և սովորել թիվ 2 գիշերօթիկ դպրոցում: 1962 թվականից ավարտել է 8-րդ դասարանը և ընդունվել Ստեփանակերտի գյուղտնտեսական տեխնիկումի մեխանիզացիայի բաժինը:

1964 թվականին աշխատանքի է անցել Մաքսիմ Գորկու (այժմ Վահրամ Փափազյանի) անվան պետական դրամատիկական թատրոնում՝ որպես սկսնակ դերասան և միևնույն ժամանակ երկու տարի սովորել է երեկոյան դպրոցում:

1968 թվականին զորակոչվել է խորհրդային բանակի շարքերը և 1970 թվականին զորացրվելուց հետո կրկին վերադարձել Ստեփանակերտի պետական թատրոն:

1971 թվականին ընդունվել և 1973 թվականին ավարտել է Մոսկվայի Կրուպսկայայի անվան արվեստի համալսարանի թատերական բաժինը:

1982 թվականին արժանացել է Վաստակավոր արտիստի պատվավոր կոչման:

1985 թվականին ԽՍՀՄ կուլտուրայի նախարարության կողմից արժանացել է «Հանդիսատեսին կուլտուրական բարձր սպասարկման համար» մեդալի:

1988 թվականին Արցախյան շարժման նախաշեմին ստեղծել է պոեզիայի թատրոն՝ ժողովրդական դերասան Զինվոր Գևորգյանի և վաստակավոր դերասան Սամվել Բաղինյանի հետ, և շրջել Ղարաբաղի և Հայաստանի մեծ ու փոքր գրեթե բոլոր գյուղերով ու քաղաքներով, դրանով նպաստել երիտասարդների հայրենասիրական ոգու բարձրացմանը:

20 տարուց ավելի աշխատանքին զուգահեռ դասավանդում է Ստեփանակերտի մանկապատանեկան ստեղծագործական կենտրոնում, որտեղ ղեկավարել է թատերական և ասմունքի խմբերը:

2014 թվականին լրացավ նրա 50-ամյա ստեղծագործական գործունեությունը Ստեփանակերտի Վահրամ Փափազյանի անվան պետական թատրոնում:

Մինչ օրս աշխատում է Ստեփանակերտի պետական թատրոնում՝ որպես առաջնակարգ դերասան:

Թատրոնում խաղացել է 150 դեր, որից 100 եղել են կենտրոնական կամ գլխավոր: Ինքնագործ թատերական խմբերում բեմադրել է 50-ից ավելի պիեսներ, որից՝ 5՝ պետական թատրոնում:

Դերերը թատրոնում

Ֆիլմագրություն

Ռեժիսոր

Բեմադրել է «Աղջիկը փեսացու է փնտրում», «Զգուշացեք, դա դեռ կա», «Լույս քեզ տեսնողին» պիեսները:

• 2003 թվականին Արցախում մշակույթի զարգացման համար արժանացել է Եղիշեի անվան ամենամյա մրցանակին:
• 2004 թվականին ԼՂՀ կառավարությունը բարձր գնահատելով նրա ծառայություններն արվեստի բնագավառում՝ արժանացել է ԼՂՀ ժողովրդական արտիստի պատվավոր կոչման:
• 2006 թվականին ճանաչվել է տարվա լավագույն դերասան՝ Հ. Թումանյանի «Գիքորը» պիեսում Համբոյի դերակատարման համար:
• 2007 թվականին ճանաչվել է տարվա լավագույն ասմունքող:
• 2008 թվականին ԼՂՀ կառավարությունը բարձր մակարդակով նշել է նրա 60-ամյա հոբելյանը, և նա արժանացել է «Վաչագան Բարեպաշտ» մեդալի:
• 2012 թվականին Հայաստանի թատերական գործիչների կողմից արժանացել է Ոսկե մեդալի:
• 2013 թվականին մատաղ սերնդի դաստիարակության գործում կատարած ծառայության համար պարգևատրվել է ԼՂՀ վարչապետի մեդալով:

• Մեր տուն ու տեղ / Քաջիկ Հարությունյան