María López Sández

Licenciada en Filoloxía Hispánica, Inglesa e Galego-Portuguesa pola Universidade de Santiago de Compostela, e doutora en Teoría da Literatura e Literatura Comparada por esta universidade coa tese A descrición topográfica, o seu papel na construción dun imaxinario cultural no discurso literario galego ("Cantares gallegos", "Arredor de si" e o ciclo textual de "Tagen Ata"). Imparte docencia no ensino secundario, sendo tamén profesora asociada na Facultade de Ciencias da Educación da USC. O seu labor de investigadora centrouse na relación da literatura galega co imaxinario paisaxístico e co espazo urbano, así como no estudo da cartografía como semiótica do espazo.

Ensaio

• Paisaxe e nación. A creación discursiva do territorio, 2008, Galaxia.

Narrativa

• A forma das nubes, 2012, Galaxia.
• O faro escuro, 2015, Galaxia.

• Premio Ramón Piñeiro de Ensaio no 2007, por Paisaxe e nación. A creación discursiva do territorio.
• Premio Narrativa Breve Repsol no 2012, por A forma das nubes.
• Finalista do premio de Novela por Entregas da Voz de Galicia por O faro escuro.

Ligazóns externas

• Ficha da autora na Editorial Galaxia.
• Ficha da autora en Poesía Galega.
• Inma Otero entrevista a María López Sández
• Ficha da autora na AELG