Quick Facts
Biography
Marcu Piga (Palau, 29 de maju de 1956) est unu fubaleri antigu sardu, chi zogaiat in sa posissione de atacadore.
Carrera
Frade cròbinu de Màriu su prus cunnotu (chi pustis terminada sa carrera de fubaleri si fiat cunsagradu a sa de assussadore), paris cun su cale at militadu in sa Luchesa e s'Abellinu (pro istima fradiale, ambos Pigas pro annos aiant chertu zogare in sa matessi echipa). In tempus de sa carrera, at tentu 6 presèntzias in sa sèrie A cun sos duos cunzuntos narados, marchende in s'ocasione de sa bintòria interna de s'Abellinu a subra de su Lanerossi Bissèntzia in s'istajone 1.978-1.979.
In prus de custu, at totalizadu 76 presèntzias e 12 golos in sa sèrie B cun sas camisetas de s'Atalanta, s'Abellinu e su Catània, logrende duas artiadas sighidas a sa sèrie A (cun s'Atalanta in s'istajone 1976-1977 e cun s'Abellinu in s'istajone 1977-1978).