Marcel Goebel

De Marcel Goebel, gebuer den 23. Mee 1914 zu Habscht an duerch en Accident gestuerwen den 23. September 1978, war e lëtzebuergeschen Architekt.

Seng Secondairesetuden huet hien an der Industrieschoul zu Iechternach gemaach. Säin Architektsdiplom krut hien den 19. Oktober 1940, nodeem hien op der École supérieure d'architecture Saint-Luc zu Bréissel an zu Léck studéiert hat. Als Architekt war hien aktiv beim Neesopbau vun Iechternach an der Ëmgéigend nom Zweete Weltkrich. Aus där Zäit stamen ë. a.:

• den Hotel Meyer zu Beefort
• den Hotel du Parc zu Iechternach
• d'Hostellerie de la Vallée zu Hiefenech
• d'Paschtoueschaus vis-à-vis vun der Péitrus a Paulus-Kierch zu Iechternach

An anere Géigenden:

• Primärschoulen zu Furen, Éiter an Tandel
• Offizéieschvillaen um Dikkrecher Härebierg

• Gilbert, P., 1986. La capitale et ses architectes: illustration critique de l'architecture dans la métamorphose d'une ville en un siècle. Institut grand-ducal, section des arts et des lettres, 222 S. Imprimerie Saint-Paul. BNL LB 1061, S. 212