Quick Facts
Biography
| Logan Venter | ||
|---|---|---|
Logan Venter | ||
| Geboorte | 31 Mei 1984 (1984-05-31) Pretoria | |
| Beroep(e) | Sanger, liedjieskrywer | |
| Genre(s) | Afrikaans | |
| Instrument(e) | Stem, Kitaar, Dromme | |
| Aktiewe jare | 2013 – nou | |
| Webwerf | loganmusiek.co.za | |
| Musiekportaal | ||
Logan Venter (gebore 31 Mei 1984 te Pretoria) is 'n Suid-Afrikaanse sanger en liedjieskrywer. Hy is bekend vir sy liedjies, "Waar is jy nou", "Zonkolol Vastrap" asook "Reisigers".
Biografie
Op 11 deel Venter 'n verhoog met Andre Swarts en later begelei hy sy Hoërskool by interskole, met 'n patriotiese weergawe van Helmut Lotti se "You will win".
Sy eerste kitaar was 'n "Black Horse" wat hy nooit regtig kon speel nie. Dit het gebreek tydens 'n trek maar hy maak dit reg en bemeester kitaarspel op 15.
Op 16 skryf hy in vir sy eerste talent kompetisie, Reach for the stars deur Franco's Music Academy en sing vir hom 'n eerste plek los vir sy weergawes van Ronan Keating se "When you say nothing at all" en die immergroen "Sprokie vir 'n stadskind" van Koos du Plessis.
Na matriek begin hy met sy eie komposisies en skryf een aand laat op die einste Black Horse kitaar sy eerste lied ooit, vir sy meisie. Sy is deesdae Mev. Venter en het so die liedjie se plek in sy hart verstewig.
Onlangs laat hy I’m going to love you (Anneke se song) opneem en stuur dit aan Jakaranda FM se DJ's.
Na hierdie blootstelling voer verskeie radiostasies onderhoude met hom. Hy neem deel aan 'n kompetisie op GrootFM en slaan 'n optrede saam met Jakkie Louw by die Blou Hond los.
Hy vlerk sy woorde in Engels en Afrikaans en trek dit soms in volksvere aan, soms kontemporêr, soms in Rock en soms in Country.
In 2013 verskyn "Skyn" wat gaan oor die roepe na 'n persoon wat in die verlede lewe, "Lekker saam met jou" en ook "Waar is jy nou" wat diep delf oor die pyn en hartseer van 'n verliefde paartjie se skipbreukverhouding.