Levon Hovhannisyan

Անվան այլ կիրառումների համար տես՝ Լևոն Հովհաննիսյան (այլ կիրառումներ)

Լևոն Վահանի Հովհաննիսյան (1937, օգոստոսի 29 , Թալին), հայ երկրաբան։ Երկրաբանա-հանքաբանական գիտությունների դոկտոր (1991), պրոֆեսոր (1997)։ ՌԴ վաստակավոր երկրաբան (1998)

ՀՀ գիտության վաստակավոր գործիչ Հենրիկ Հովհաննիսյանի եղբայրն է։

1959 թվականին ավարտել է Երևանի պետական համալսարանը։ 1970-1986 թվականներին Յակուտիայում ղեկավարել է երկրաբանական հետախուզական աշխատանքներ, 1986-2000 թվականներին` ՌԴ բնական պաշարների նախարարության բաժնի, ապա` վարչության պետ, 2001 թվականից՝ Մոսկվայի հանքային հումքի և ընդերքի օգտագործման տնտեսագիտական ինստիտուտի բաժնի վարիչ, միաժամանակ՝ Դուբնայի «Բնություն, հասարակություն, մարդ» համալսարանի պրոֆեսոր։ Աշխատանքները վերաբերում են հանքագոյացման, հանքավայրերի կանխատեսման և օգտագործման հանածոների որոնման հարցերին։

• Հանքային պաշարների միջազգային ԳԱ անդամ (1994):
• ՌԴ բնական պաշարների ԳԱ անդամ (1997):
• ՌԴ լեռնային պաշարների ԳԱ անդամ (2000):

• Минерагенические и методические основы, М., 1994.
• Исторические вехи и современные проблемы геологической службы России, М., 2003.