Quick Facts
Biography
Leonid Qritsai (d. 25 may 1990; Vladivostoк, Rusiya) — Azərbaycanı təmsil edən Rusiya əsilli çimərlik voleybolçusu. Leonid Qritsai 2015-ci ildə Azərbaycan bayrağı altında I Avropa Oyunlarına qatılıb.
Həyatı
Leonid Qritsai 1990-cı il 25 mayda Rusiyanın Vladivostok şəhərində anadan olub. Vladivostok şəhərində yerləşən 74 nömrəli məktəbi bitirən Leonid Qritsai ali təhsilini Vladivostok Dövlət İqtisadiyyat və Servis Universitetində alıb.
Karyerası
Leonid Qritsai birinci ciddi yarışına 2015-ci ildə I Avropa Oyunlarında qatıldı. Qritsai bu yarışlarda Bernardo Romano ilə birgə A qrupunda mübarizə apardı. Romano və Qritsai cütlüyü qrup mərhələsində Litva voleybolçularını 2:0 hesabı ilə məğlub etsədə, Norveç və İtaliya nümayəndələrinə müvafiq olaraq 1:2 və 0:2 hesabları ilə uduzdu. Növbəti, 1/16 final mərhələsində Leonid Qritsai və Bernardo Romano cütlüyü Rusiya voleybolçularına 1:2 hesabı ilə uduzdu və mübarizəni dayandırdı.