Quick Facts
Biography
Leo LENTAIGNE [Lantenj] (oficiale Léon Lentaigne n. en 1909 - m. la 2-an de februaro 2008 en Montpeliero) estis instruisto aktiva en la Freinet-movado (ICEM[1]) kaj en la Esperanto-medio. Lia nomo aperas en la listo de pioniroj de la Freinet-movado inter la du mondmilitoj. Membro de SAT (matrikulo 19332) kaj de SAT-Amikaro, li estis aktiva sur la tereno de instruado de Esperanto kaj de redaktado de lerniloj. Membro de UEA ekde 1957.
Listo de verkoj
Lia libro "L'Espéranto, L'Imprimerie à l'École", Agitna, Cannes - 1959 - kolekto ' Bibliothèque de Travail ' (Laborbiblioteko) n° 437, eldonita de C.E.L. en 1959estas trovebla brokante ĉe retaj librejoj (Amazon, FNAC, livre-rare, ktp).
En la alfabeta katalogo de Germana Esperanto-Biblioteko en Aalen aperas de li : "Ĉe Infanlernejo de Prelles · La eta kato kiu ne volis morti" : "Infanaĵoj". Trad. Lentaigne. Ilustr. - Cannes : Freinet, Presarto de lernejo, 194?. - 16 p.
De li aperis ankaŭ, ĉe la Broŝurservo de SAT (Cercle Espérantiste de l'Agenais, Laŭte !) :
- "Abrégé pratique de la grammaire espéranto". Praktika kompendio de la Esperanto-gramatiko. Mimeografita. 40 p. A5.
- "Kiel diri… ?". Praktika Esperanta frazeologio; kompilaĵo; ofsetita, 148 p. A5.
- "Tiel diru !". Kompilaĵo de 5000 esprimoj. 128 p. A5. 1984.
- "Kvardek paŝetoj al plua posedo" (kun Cl. Cayzac). Legolibro. Tekstoj en Esperanto kun traduko en la franca. 84p. A5. Ekzistas kun kompaktdisko.
