Kristin Lamprecht

D Kristin Lamprecht (* 1970 z Münche) esch e Schwiizer Pfarreri. Si esch Co-Presidänti vom Pfarrkapitel vo de Reformierte Landeschile Aargau.

D Kristin Lamprecht het z Marburg, Münche und Heidelberg evangelischi Theologii gstudiert und esch im 1998 mit ihrem Maa, em Lutz Fischer-Lamprecht, us Tütschland i d Schwiiz cho. S eijährig pfarramtlich Praktikum het si z Murte im Kanton Fryburg gmachd, wo si drufabe au e Stellverträtig im Pfarramt gmachd het. Au z Thun het si als Stellverträtri gschaffed, vor si im 2002 in de Kanton Aargau cho esch. Pfarreri esch si z Gäbischtorf und Ammerschwiil und Spitalseelsorgeri im Spital Limmettal z Schliere. Sit em 2019 esch si Pfarreri z Obersiggetal, wo zu de Chilegmeind Bade ghörd.

Zäme mit de Maja Petrus esch si bim Pfarrkapitel am 25. Oktober 2022 z Wettige zur Co-Presidänti vom Pfarrkapitel gwählt worde, so dass die beide Pfarrerinne gmeinsam d Nachfolg vom Matthijs van Zwieten de Blom aaträte hend.

• Churzes Portrait vo de Kristin Lamprecht uf de Website vo de Reformierte Chile Bade plus

1. ↑ De Vorstand vom Pfarrkapitel uf de Webiste vo de Reformierte Chile Aargau