Karl Georg Sauter

Dr Karl Georg „Charly“ Sauter (* 24. Februar 1922; † 28. Juni 2007 z Meßkirch) isch e dytsche Uhrmacher un Dialäktdichter gsii.

Dr Karl Georg Sauter isch as Suhn vum Meßkircher Uhrmacher Karl Heinrich Sauter uf d Wält chuu. S Gschäft, wu näbe me Optik- un Uhrelade au ne Stockfischlade umfasst het, goht zrug uf dr Kolonialwarelade vu sym Urgroßvater Karl Hogg. Däm sy Dochter Emma het dr Uhrmacher Karl Sauter ghyrote un het mit ihm sällem sy 1890 grindet Uhrmachergschäft un dr Kolonialwarelade zämegfiert. D Manne hän iber Generatione as Augeoptiker un Uhrmacher gschafft, d Fraue hän dr Fischlade gfiert.

Dr Charly Sauter het au Uhrmacher glehrt un isch 1941 as Soldat in Zweete Wältchrieg yyzoge wore. Wun er im Augschte 1945 retuur us em Chrieg chuu isch, isch er zerscht uf Berlin gange un het dert wyter glehrt. Anne 1964 isch er wider uf Meßkirch haimchuu un het s Gschäft vu dr Eltere ibernuu. Dr Fischlade hän är un sy Frau Martha 1966 ufgee, derfir hän si au näne Uhre au Schmuck verchauft. Mir syre Frau het er e Suhn, Heimrad, un zwoo Dechtere, Ulrike un Verena. Sy Suhn het anne 1995 s Gschäft ibernuu, d Dochter Ulrike het au Augeoptiker glehrt un zytwys im Lade mitgschafft.

Z Meßkirch het mer en gchännt as Dialäktdichter, Haimetforscher un Fasnachter. Är isch Ehremitglid vu dr Meßkircher Katzezumft gsii un Dreeger vum Alefanz-Orde, derzue isch er Mitglid im Hauezollersche Gschichtsverain gsii. Fir d Fasnetzumft het er dr Täxt zum „Meßkircher Katzemarsch“ gschribe.

Aafangs 1960er Johr het er in alte Urkunde uusegfunde, ass dr Hailig Heimrad anne 965 z Meßkirch uf d Wält chuu isch.

Är het scho as junge Mann aafange Gedicht schrybe. Publiziert het er aber langi Zyt nume ab un zue ne Fasnetsgedicht im Narreblettli vu dr Katzezumft. Erscht anne 1978 het er unter em Titel „Uffm Wäeg“ e Buech mit alemannische Gedicht vereffetligt. 2006 hän sy Suhn un sy Dochter Ulrike Gedicht, wun er zwische 1980 un 1995 gschribe ghaa het, unter em Titel „Uffm Wäeg 2“ ussegee.

• Aufforderung zum Eintrag ins Gästebuch der Katzenzunft Meßkirch. In: Hegau 9, 1960. Themenband „Fasnet im Hegau“. S. 181
• Meßkircher Kinderfasnet. In: Hegau 9, 1960. Themenband „Fasnet im Hegau“. S. 196
• Uffm Wäeg. Gedichte in Mundart und Schriftdeutsch. Mit 14 Illustrationen von Lothar Rohrer Selbstverlag, Konstanz 1978. 88 S.
• Der hl. Heimerad von Meßkirch – ein außerordentlicher Heiliger. In: Hegau 51/52, 1994/95. S. 331-332
• Uffm Wäeg 2. Hrsg. von Heimrad undUlrike Sauter. Meßkirch 2006

• dr Charly Sauter uf LEO-BW
• Meßkircher Katzenmarsch, Musik: Ludwig Fischer-Schwaner, A. Kluten, Rudolf Walk; Text: Karl Georg (Charly) Sauter 1949
• Ein Original verlässt Meßkirch für immer[1] [2] Vorlage:Toter Link/www.schwaebische.de (Schwäbische Zeitung, 2. Juli 2007)