Quick Facts
Biography
- Անվան այլ կիրառումների համար տես՝ Կարինե Սարգսյան (այլ կիրառումներ)
Կարինե Սարգսյան (1950, հուլիսի 7, Երևան), հայ հաղորդավարուհի։
Կենսագրություն
1967-1973 թթ. սովորել է Երևանի Խաչատուր Աբովյանի անվան պետական մանկավարժական համալսարանի բանասիրական ֆակուլտետում։ Դպրոցական տարիներից հայկական ռադիոյով և հեռուստատեսությամբ վարել է մանկական հաղորդումներ։
Հեռուստահաղորդումներ
1970 թվականից աշխատել է Հայաստանի հայկական հեռուստատեսությունում։ Վարել է բազմաթիվ և բազմաժանր հաղորդումներ։ Եղել է լրատվական մեկնաբան։ Վարել է ստեղծագործական երեկոներ, համերգներ, միջոցառումներ։ «Պոեզիայի ակնթարթներ» հեռուստաշարքի հեղինակն է։ Համագործակցել է Հայաստանի պետական ֆիլհարմոնիկ նվագախմբի հետ, որտեղ վարել է բազմապիսի համերգներ։ Հայաստանի անկախությունից հետո եղել է տարբեր պետական, կառավարական միջացառումների, զորահանդեսների և տոնական հանդիսությունների հանդիսավար։ 1999 թվականից աշխատում է «Մշակույթ» («Պրոմեթևս»), ապա՝ Հայկական երկրորդ հեռուստաալիք հեռուստաընկերությունում՝ որպես ծրագրերի խմբագիր։
Հաղորդումներ
- «Մանկական էկրան»
- «Վավերագրական կինոյի ժամ»
- «Հայ երաժշտական արվեստի երախտավորները»
- «Երևանը և երևանցիները»
Պարգևներ
- Մովսես Խորենացու մեդալ, 2006
- ՀՀ պաշտպանության նախարարության «Գարեգին Նժդեհ» մեդալ, 2011