Kamal Mahmudov

Kamal Mahmudov (Kamal Aslan oğlu Mahmudov); d. 1925 ö. 1962 — Böyük Vətən Müharibəsi iştirakçısı, müharibə veteranı.

Kamal Mahmudov 1925-ci ildə Azərbaycan SSR, Qazax rayonunun Şıxlı kəndində anadan olmuşdur. 1932-ci ildəŞıxlı kəndindəki orta məktəbin birinci sinfinə daxil olub, 1942-ci ildə orta məktəbi müvəffəqiyyətlə bitirib.

Kamal orta məktəbi qurtardığı zaman 1941-1945-ci il İkinci dünya müharibəsi başlamışdır. Bütün Azərbaycan gəncləri kimi Kamal da vətənin müdafiəsinə qalxmaya bilməzdi, yaşını bir il artıraraq vətəni müdafiə etmək üçün könüllü olaraq cəbhəyə yollanır.1944-cü il 23 iyulda sağ ayağını itirdiyinə görə əlil kimi ordudan təxris olunur.

Kamal Mahmudov 1942-ci ildə Taqanroq şəhəri ətrafında döyüşlərdə öz silahından 15 düşmən məhv etdi və bir-neçəsini yaraladı. Ondan əlavə hücum əməliyyatı zamanı Vinnetsa şəhəri uğrunda gedən döyüşlərdə əl pulemyotu ilə 30-a yaxın düşmən əsgərini məhv etdi. Döyüşlərdə, sağ ayağını itirib.

Sağ ayağını itirmiş gənc əlil olan, həyat eşqi ilə çırpınan Kamal həyatın nəbzini tutaraq 1956-1957-ci illərdə Azərbaycan Kənd Təsərrüfatı İnstitunun mühasibat uçotu fakültəsini bitirib.

Qazax rayonu İkinci Şıxlı kəndində kolxozda hesabdar – baş mühasib vəzifəsində çalışmışdır. 1946-cı ildə ailə qurmuş, bu ailəlikdən onun 5 övladı dünyaya gəlmişdir, 14 nəvə, 24 nəticəsi vardır.

1962-ci il 31 avqust tarixində müharibə vaxtı aldığı ağır mədə xəstəliyindən Gürcüstan Respublikasının Rustavi şəhərində əməliyyat zamanı vəfat etmişdir. O, Şıxlı kənd qəbristanlığında torpağa tapşırılıb.