Kakish Ryskulova

Рыскулова Какиш (15. 10. 1918-жылы туулган, Чүй облусу, Кант району, Четинди айылы – 27.08.2018) – хирург, медицина илимдеринин доктору (1967), профессор (1968). Кырг. ССР Илимдер Академиясынын академиги (1969), корреспондент мүчөсү, 1954), Кыргыз ССРинин эмгек сиңирген врачы (1957), илимге эмгек сиңирген ишмери(1980). 1938-ж. Фрунзе шаарындагы медицина окуу жайын, Кыргыз Мамлекеттик Медицина институтун (1944), ошол эле жерде аспирантураны (1949) бүтүргөн. Кыргыз Мамлекеттик Медицина институтунда ассистент (1949–62), доцент (1962–67), 1967-жылдан кафедра башчысы, ректордун кеңешчиси болуп иштеген. Анын илимий эмгектери ампутация учурунда кесилген нервдерди тазалап, алардын сезгичтигин калыбына келтирүү, кан тамырларды тигүү, улаштыруу ыкмаларын өздөштүрүү, ошондой эле карын, он эки эли ичеги, эхинококкозду хирург. жол менен дарылоого арналган. Кыргыз ССР Жогорку Советинин 3 жолку депутаты, Кыргыз ССР Жогорку Советинин төрөгасынын орун басары (1957–67), Кыргыз ССР Илимдер Академиясынын Президиумунун мүчөсү (1969–74), Республиканын хирургия жана гастроэнтерология илимий коомунун төрөгасынын орун басары болуп иштеген. Ленин, 3-даражадагы Манас, 2 «Ардак Белгиси» ордендери, «Даңк» ж. б. медалдар менен сыйланган. Эмг.: Система свертывания крови и адаптадии к природной гипоксии. Л„ 1977; Клинико-иммунологические аспекты язвенной болезни и двенадцатиперстной кишки (в соавторстве). Б., 1995; Клиникофункциональная и морфологическая характеристика больных после резекции желудка и автотомии язвенной болезни (в соавторстве). Б, 1998; Избранные труды. Б., 1998.

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9