Juncal Alzugaray

Juncal Alzugaray (Bilbo, Bizkaia, 1981eko ekainaren 7a)fisioterapeuta eta osteopata da. Helburu didaktikoa duen "Alooa" izeneko bulba edo baginaren munduko lehen eredu hipererrealista sortu zuen 2022an.

10 urterekin artista eta ile-apaintzaile izan nahi zuen arren, handitan fisioterapia ikasi zuen Madrilen. Asko gustatzen zaio ikastea, eta ikastaro asko egin ditu fisioterapiari buruzkoak zein bestelakoak. Pianoa jotzen ere ikasi zuen, hainbat abesbatzatan abestu du (kontraltoa da), musika talde ezberdinetan, tarteka dantza, zinema eta antzerkia egin du. Bi haurren ama da, Peio eta Mirenena.1700 biztanleko herri batean bizi da, Gordexolan (Bizkaia).

Zoru pelbikoan eta sexologian aditua den fisioterapeuta eta osteopata da Juncal. Konpromiso sendoa du emakumeen osasunarekin, ongizatearekin eta powerarekin, emakumeen alderdirik pelbikoenarekin eta sexyenarekin.

Bere ibilbide profesionalaren mugarririk handiena Chicagora joatea eta bertako unibertsitatean zoru pelbikoari buruzko hitzaldi bat ematea izan zen.

2022an Helburu didaktikoa duen "Alooa" izeneko bulba edo baginaren munduko lehen eredu hipererrealista aurkeztu zuen Gordexolako Komentu Maitian. Sexu heziketaz gain, emagin eta ginekologoak formatzeko ere balio duena. Proiektuak Bizkaiko Foru Aldundiaren Ekintzaile programaren finantziazioa izan zuen.

• Mi Suelo Pélvico.

• Juncal Alzugaray "Mi Suelo Pélvico" liburuaz YouTube
• Juncal Alzugaray "A bocados" saoian Pelvis-zoruan hitzegitenEitb, 2022.11.18
• Elkarrizketa: ALOOA, bulbaren lehen eredu anatomiko hipererrealistaz Euskadi Irratia, Faktoria, 2022.11.14
• Alua: baztertua sarritan, agerian orain Berria, 2022.12.24