Juan Martín de Goicoechea

Juan Martín de Goicoechea y Galarza, naixito de Bakaiku (Navarra) l'1 de noviembre de 1732 y muerto en Zaragoza (comarca de Zaragoza, Aragón) o 4 d'abril de 1806, estió un interpresario aragonés d'orichen navarro. Dende primerías d'os anyos 1770 heba esdevenito o mas destacato interpresario d'a ciudat de Zaragoza en ixas envueltas.

O suyos negocios abracaban quantas ramas de l'actividat economica: cautivos d'oliveras en os campos de l'actual districto de Las Fuents y de vinyas (encluyendo-ie a elaboración d'aceite d'oliva y de vin), industria textil de lana y seda, fundicions de fierro y negocios d'importación y exportación de productos; exerció tamién funcions como banquero.

Politicament, yera un partidario d'a Ilustración, que heba conoixito mientres os suyos viaches enta Francia, y favoreixió o desembolique en a ciudat de l'arte neoclasico, plegando mesmo a financiar una Academia de Debuixo conectata con a Real Sociedad Económica Aragonesa; ista Academia esdevenió dimpués l'actual Real Academia de Nobles y Bellas Artes de San Luis de Zaragoza.

• Se veigan as imáchens de Commons sobre Juan Martín de Goicoechea y Galarza.
• (es) Juan Martín de Goicoechea en a Gran Enciclopedia Aragonesa.